"კი ევროპას — დაიცავი შენი მომავალი" — ამ სახელწოდებით დღეს, 30 აგვისტოს, თბილისში 19:00 საათზე პარლამენტის უკანა შესასვლელთან აქცია გაიმართება, რომლის მთავარი მოთხოვნაც ევროკავშირის მიერ საქართველოსთვის გაცემული რეკომენდაციების შესრულება იქნება.

მოქალაქეები თავდაპირველად 17:00 საათზე თბილისის სახელმწიფო უნივერსიტეტთან შეიკრიბებიან და მსვლელობით ევროკავშირის საელჩოსკენ გადაინაცვლებენ.

"ერთად მოვითხოვოთ ევროკავშირის რეკომენდაციების შესრულება:

• რეპრესიული კანონების გაუქმება!
• პოლიტპატიმრების გათავისუფლება!
• ახალი და სამართლიანი საპარლამენტო არჩევნები!

ბრძოლა #ბოლომდე" — აღნიშნულია აქციის ორგანიზატორების მიერ გავრცელებულ ინფორმაციაში.