ამერიკის შეერთებული შტატების სახელმწიფო დეპარტამენტმა უკრაინისთვის $825 მილიონის ღირებულების საბრძოლო მასალის მიყიდვა დაამტკიცა, რომელშიც დიდი რაოდენობით, დაახლოებით 3 350 ერთეული შორი რადიუსის ფრთოსანი რაკეტებია (ERAM) გათვალისწინებული. აშშ-ის თავდაცვის უსაფრთხოების თანამშრომლობის სააგენტოს (DSCA) ინფორმაციაშია აღნიშნული.

სააგენტოს ცნობით, პაკეტი დაახლოებით 3 000 სამხედრო სანავიგაციო GPS/INS-ის სისტემას მოიცავს და პაკეტში შედის სხვადასხვა რაოდენობის სამხედრო დანიშნულების სათადარიგო ნაწილები.

"აღნიშნული შესყიდვა გააუმჯობესებს უკრაინის შესაძლებლობებს, რათა გაუმკლავდეს მიმდინარე და მომავალ საფრთხეებს, რადგან იგი აღჭურვილი იქნება თავდაცვისა და რეგიონული უსაფრთხოების მისიების შესასრულებლად," — წერია აშშ-ის თავდაცვის DSCA-ის ინფორმაციაში.

უკრაინა სამხედრო პაკეტს დანიის, ნიდერლანდების და ნორვეგიის მთავრობების ფინანსურ მხარდაჭერით შეიძენს.