"რუსეთის შეიარაღებული ძალების დარტყმები წარმატებულია, სამიზნეები განადგურებულია, სპეციალური სამხედრო ოპერაცია გრძელდება", — ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.

"რუსეთის შეიარაღებული ძალები ასევე ასრულებენ თავიანთ ამოცანებს. როგორც ითქვა, ისინი აგრძელებენ სამხედრო და პარამილიტარული ინფრასტრუქტურის ობიექტებზე დარტყმებს. დარტყმები წარმატებულია, სამიზნეები განადგურებულია, სპეციალური სამხედრო ოპერაცია გრძელდება", — განუცხადა პესკოვმა ჟურნალისტებს.

შეგახსენებთ, რომ 28 აგვისტოს ღამით კიევზე რუსეთის მასშტაბური დარტყმის შედეგად დაღუპულთა რიცხვი 18-მდე გაიზარდა. ინფორმაციას უკრაინული მედია ავრცელებს და კიევის მერზე დაყრდნობით წერს, რომ დაღუპულთა შორის 7, 10 და 11 წლის ბავშვები არიან.