გაეროს ბირთვული სააგენტოს ხელმძღვანელის განცხადებით, მისი ინსპექტორების ჯგუფი "ირანში უკვე დაბრუნდა" — ეს პირველი ვიზიტია მას შემდეგ, რაც წელს ისრაელმა და აშშ-მა ირანის ბირთვულ ობიექტებზე იერიში მიიტანეს. ინფორმაციას The Times Of Israel ავრცელებს.

ირანმა გაეროს ატომური ენერგიის საერთაშორისო სააგენტოსთან თანამშრომლობაზე უარი (IAEA) მას შემდეგ განაცხადა, რაც ივნისში ისრაელსა და ირანს შორის 12-დღიანი ომი დასრულდა. თეირანის თქმით, მიზეზი IAEA-ს მხრიდან ისრაელისა და აშშ-ის თავდასხმების გაკიცხვის უგულებელყოფა იყო.

"ახლა IAEA-ს პირველი გუნდი უკვე დაბრუნდა ირანში და ჩვენ საქმიანობის განახლებისთვის ვემზადებით," — განუცხადა IAEA-ს გენერალურმა დირექტორმა, რაფაელ გროსიმ Fox News-ის გადაცემა The Story-ს სააგენტოს.

"რაც შეეხება ირანს, როგორც იცით, ბევრი ობიექტია. ზოგი მათგანი დაიბომბა, ზოგი — არა... ამიტომ ჩვენ ვსაუბრობთ იმაზე, თუ რა სახის პრაქტიკული მექანიზმების დანერგვა შეიძლება, რათა ხელახალი თანამშრომლობა გავამარტივოთ," — აღნიშნა გროსიმ.

ცნობისთვის, ისრაელმა ირანის წინააღმდეგ ოპერაცია 13 ივნისის ღამეს განახორციელა. ამის საფუძველი იყო ბრალდებები საიდუმლო სამხედრო ბირთვული პროგრამის განხორციელების შესახებ, ირანმა საპასუხოდ ოპერაცია დაიწყო და დარტყმები 12 დღე გაგრძელდა.

მოგვიანებით, კონფლიქტში შეერთებული შტატები ჩაერთო. ამერიკულმა ძალებმა ირანის ბირთვულ ობიექტებს 22 ივნისის ღამეს დაარტყა.