"ცეცხლის შეწყვეტა უკვე ძალაშია. გთხოვთ, არ დაარღვიოთ იგი! დონალდ ტრამპი, ამერიკის შეერთებული შტატების პრეზიდენტი!", — ამის შესახებ აშშ-ს პრეზიდენტი დონალდ ტრამპი სოციალურ პლატფორმა Truth Social-ზე.

24 ივნისს, ღამით, ტრამპმა დაწერა რომ "ცეცხლის სრული შეწყვეტა ისრაელსა და ირანს შორის კონფლიქტში უახლოეს საათებში დამყარდება".

მისი თქმით, "ირანი ოფიციალურად დაიწყებს ცეცხლის შეწყვეტას და მსოფლიო მიესალმება 12-დღიანი ომის ოფიციალურ დასრულებას", — წერს აშშ-ის პრეზიდენტმა.

"ეს არის ომი, რომელიც შეიძლებოდა წლების განმავლობაში გაგრძელებულიყო და მთელი ახლო აღმოსავლეთი გაენადგურებინა, მაგრამ არ გაგრძელებულა და არც არასდროს გაანადგურებს! ღმერთმა დალოცოს ისრაელი, ღმერთმა დალოცოს ირანი, ღმერთმა დალოცოს ახლო აღმოსავლეთი, ღმერთმა დალოცოს ამერიკის შეერთებული შტატები და ღმერთმა დალოცოს მსოფლიო!" — ამ სიტყვებით დაასრულა ტრამპმა თავისი პოსტი.

ცოტა ხნის წინ ისრაელი პრემიერმინისტრის ოფისმა განცხადება გაავრცელა, სადაც ნათქვამია, რომ ისრაელი ადასტურებს, რომ დათანხმდა აშშ-ს წინადადებას ირანთან ორმხრივი ცეცხლის შეწყვეტის შესახებ, მაგრამ "ძლიერად უპასუხებს" ზავის ნებისმიერ დარღვევას.

ირანის მხრიდან ცეცხლის შეწყვეტის შეთანხმებაზე განცხადება ჯერ არ გავრცელებულა.