თეთრი სახლის მეთაური ისლამური რესპუბლიკის საგარეო საქმეთა სამინისტროს ხელმძღვანელის აბას არაღჩის განცხადებებს გამოეხმაურა წინა თავდასხმის შემდეგ სერიოზული ზიანის შესახებ.

"ირანის საგარეო საქმეთა მინისტრმა, აბას არაღჩიმ, ირანის ბირთვულ ობიექტებთან დაკავშირებით განაცხადა: "ზარალი ძალიან სერიოზულია, ისინი განადგურებულია". რა თქმა უნდა, ეს არის ის, რაც მე ვთქვი და საჭიროების შემთხვევაში ჩვენ ამას კიდევ გავაკეთებთ!", — დაწერა ტრამპმა Truth Social-ში.

მანამდე, თეთრი სახლის პრესმდივანმა, კეროლაინ ლევიტმა განაცხადა, რომ აშშ-ის ადმინისტრაცია ღია რჩება ირანთან მოლაპარაკებებისთვის, თუ ამას საჭიროდ ჩათვლის.

მანამდე, ირანის საგარეო საქმეთა მინისტრმა, აბას არაღჩიმ, განაცხადა, რომ შეერთებულმა შტატებმა უნდა გამოხატოს გულწრფელი ინტერესი წარმოშობილი კრიზისის მშვიდობიანი გზით მოგვარების მიმართ, რის შემდეგაც ისლამური რესპუბლიკა მზად იქნება გააგრძელოს მოლაპარაკებები ბირთვულ პროგრამაზე.

მან ასევე ხაზგასმით აღნიშნა, რომ ირანი მზადაა განაახლოს მოლაპარაკებები ბირთვულ პროგრამაზე, იმ პირობით, რომ შეერთებული შტატებისგან მიიღებს თავდაუსხმელობის გარანტიებს.

ისრაელმა ირანის წინააღმდეგ ოპერაცია 13 ივნისის ღამეს განახორციელა. ამის საფუძველი იყო ბრალდებები საიდუმლო სამხედრო ბირთვული პროგრამის განხორციელების შესახებ, ირანმა საპასუხოდ ოპერაცია დაიწყო და დარტყმები 12 დღე გაგრძელდა.

მოგვიანებით, კონფლიქტში შეერთებული შტატები ჩაერთო. ამერიკულმა ძალებმა ირანის ბირთვულ ობიექტებს 22 ივნისის ღამეს დაარტყა.