გერმანია უკრაინას მომდევნო რამდენიმე წლის განმავლობაში ყოველწლიურად 9 მილიარდ ევროს გამოუყოფს. ამის შესახებ ქვეყნის ფინანსთა მინისტრმა და ვიცე-კანცლერმა ლარს კლინგბეილმა დღეს, 25 აგვისტოს უკრაინის პრეზიდენტ, ვოლოდიმირ ზელენსკისთან შეხვედრის დროს განაცხადა.

"მე როგორც ფინანსთა მინისტრმა, მკაფიოდ განვაცხადე და ეს შეთანხმებულია ფედერალური მთავრობის მიერ, რომ ჩვენ უკრაინას მომდევნო წლების განმავლობაში, ყოველწლიურად 9 მილიარდ ევროს გამოვუყოფთ," — განაცხადა მან.

გარდა ამისა, კლინგბეილმა უკრაინის ფინანსთა მინისტრ სერგეი მარჩენკოსთან უკრაინის მხარდაჭერის გაგრძელება და ვარიანტები განიხილა.