უკრაინის შეიარაღებული ძალების მთავარსარდალმა, ოლექსანდრ სირსკიმ დონეცკის რეგიონში სოფელ ზელენიჰაის გათავისუფლება დაადასტურა და ასევე აღნიშნა, რომ უკრაინელებმა რეგიონში კიდევ ორ სოფელზე კონტროლი დაიბრუნეს — მიხაილივკასა და ვოლოდიმირივკაზე. ინფორმაციას უკრაინული მედია ავრცელებს.

სირსკიმ განაცხადა, რომ ესაუბრა სამხედროებს, რომლებიც დიდი ხანია პოკროვსკის იცავენ, გადასცა ჯილდოები და მოისმინა კორპუსისა და ბრიგადის მეთაურების ანგარიშები ოპერაციული სიტუაციის შესახებ პოკროვსკის მიმართულებით.

"სიტუაცია ნამდვილად რთულია, მტერი თავის ძირითად ძალებს ამ ფრონტის სექტორზე უყრის თავს. თუმცა, ხაზი უნდა გავამყაროთ. ბრძოლების ორგანიზებაში დახმარება უზრუნველყოფილი იქნება. დამატებითი საბრძოლო მასალის, დრონებისა და ელექტრონული ომის აღჭურვილობის საკითხები უკვე გადაწყდა," — აღნიშნა სირსკიმ.

პრეზიდენტმა ვოლოდიმირ ზელენსკიმ 24 აგვისტოს განაცხადა, რომ შეიარაღებულ ძალებს აქვთ დადებითი შედეგები დონეცკის რეგიონში.