ლიეტუვის დედაქალაქ ვილნიუსის მახლობლად უპილოტო საფრენი აპარატი შენიშნეს, რის გამოც ქალაქის აეროპორტში საჰაერო მოძრაობის შეჩერება ნახევარი საათით მოუწიათ. ინფორმაციას უკრაინული მედია ავრცელებს.

მათივე ცნობით, დრონი საჰაერო ნავიგაციის სპეციალისტებმა დააფიქსირეს.

შეფერხებების გამო თელ-ავივის მიმართულებით ფრენა გადაიდო და რამდენიმე ჩამოსული თვითმფრინავი იძულებული გახდა დაშვებამდე მოსაცდელ ზონაში დაშვებულიყო.

შეგახსენებთ, 1-ელ აგვისტოს ლიეტუვის ცენტრში რუსული დრონი აღმოაჩინეს, რომელიც იქ ბელარუსიდან მოხვდა. გენერალურმა პროკურატურა მაშინ განაცხადა, რომ დრონი ასაფეთქებელ ნივთიერებას შეიცავდა.

ლიეტუვის თავდაცვისა და საგარეო უწყებების ხელმძღვანელებმა NATO-ს გენერალურ მდივანს, მარკ რუტეს ქვეყნის საჰაერო თავდაცვის გაძლიერების თხოვნით მიმართეს.