ამ დროისთვის 6-მა ევროპელმა ლიდერმა დაადასტურა, რომ 18 აგვისტოს ვაშინგტონში აშშ-ს პრეზიდენტ დონალდ ტრამპისა და უკრაინის პრეზიდენტ ვოლოდიმირ ზელენსკის შეხვედრას დაესწრება.

თეთრ სახლში სტუმრობა დაადასტურეს: საფრანგეთის პრეზიდენტი, ემანუელ მაკრონმა, ევროკომისიის პრეზიდენტმა, ურსულა ფონ დერ ლაიენმა, გერმანიის კანცლერმა, ფრიდრიხ მერცმა, ფინეთის პრეზიდენტმა, ალექსანდრე სტუბმა, NATO-ს გენერალური მდივანი, მარკ რუტემ და დიდი ბრიტანეთის პრემიერმინისტრმა კირ სტარმერმა

ემანუელ მაკრონი აცხადებს, რომ ორშაბათს, სხვა ევროპელ ლიდერებთან ერთად, ვაშინგტონში აშშ-სა და უკრაინის პრეზიდენტების, დონალდ ტრამპისა და ვოლოდიმირ ზელენსკის შეხვედრას შეუერთდება.

"ევროპელები და შეერთებული შტატები განახორციელებენ კოორდინაციას იმ მიზნით, რომ მიაღწიონ სამართლიან და ხანგრძლივ მშვიდობას, რომელიც დაიცავს უკრაინის სასიცოცხლო ინტერესებს და ევროპის უსაფრთხოებას", – აღნიშნულია საფრანგეთის პრეზიდენტის ადმინისტრაციის მიერ გავრცელებულ განცხადებაში.

ვაშინგტონში ვიზიტის შესახებ ურსულა ფონ დერ ლაინემა სოციალურ ქსელში დაწერა:

"დღეს შუადღისას ბრიუსელში უკრაინის პრეზიდენტს, ვოლოდიმირ ზელენსკის მივიღებ. ჩვენ ერთად მივიღებთ მონაწილეობას "ნებაყოფლობის კოალიციის" შეხვედრაში. პრეზიდენტ ზელენსკის თხოვნით, ხვალ თეთრ სახლში პრეზიდენტ ტრამპსა და ევროპელ ლიდერებთან შეხვედრას მეც შევუერთდები", — წერს ურსულა ფონ დერ ლაიენი.

გერმანიის ფედერალური მთავრობის ინფორმაციით, მერცის ვაშინგტონში "ვიზიტი ემსახურება ინფორმაციის გაცვლას აშშ-ის პრეზიდენტ დონალდ ტრამპთან, რუსეთის პრეზიდენტ ვლადიმერ პუტინთან ალასკაში გამართული შეხვედრის შემდეგ“.

"მოლაპარაკებები, სხვა საკითხებთან ერთად, უსაფრთხოების გარანტიებს, ტერიტორიულ საკითხებს და უკრაინისთვის რუსეთის აგრესიისგან თავდაცვაში მხარდაჭერის გაგრძელებას მოიცავს. ეს მოიცავს სანქციებით ზეწოლის შენარჩუნებასაც", — აღნიშნულია ფედერალურმა მთავრობის განცხადებაში.

ფინეთის პრეზიდენტის ვაშინგტონში ვიზიტის შესახებ ინფორმაცია პრეზიდენტის ადმინისტრაციამ გაავრცელა.

"ფინეთის რესპუბლიკის პრეზიდენტი ალექსანდრ სტუბი მონაწილეობას მიიღებს უკრაინაში მშვიდობისადმი მიძღვნილ შეხვედრაში, რომელიც 2025 წლის 18 აგვისტოს, ორშაბათს, ვაშინგტონში, აშშ-ში გაიმართება", — ინფორმაციას პრეზიდენტის პრესსამსახური ავრცელებს.

https://www.bundesregierung.de/breg-de/aktuelles/bundeskanzler-merz-reist-nach-washington-2379684

15 აგვისტოს ალასკაში აშშ-ს და რუსეთის პრეზიდენტების შემდეგ, დონალდ ტრამპი უკრაინის პრეზიდენტს, ვოლოდიმირ ზელენსკის ესაუბრა და 18 აგვისტოს თეთრ სახლში მიიწვია.

ამის შემდეგ გავრცელდა ინფორმაცია იმის შესახებ, რომ ტრამპისა და ზელენსკის შეხვედრას, სადაც ვლადიმერ პუტინთან შეხვედრის დეტალები უნდა განიხილონ ევროპელი ლიდერების დაესწრებოდნენ.