Trashpresso გიგანტური, მზის ენერგიაზე მომუშავე, გადასატანი დანადგარია, რომელიც პლასტმასის ნარჩენებს ამუშავებს და მისგან კაფელს ამზადებს. დანადგარი ლონდონის ცენტრში დევს და მასში პლასტმასის ნაგვის ჩაყრა ნებისმიერ მსურველს შეუძლია.

თრაშპრესო Pentatonic-მა შექმნა. Pentatonic გერმანულ-ბრიტანული კომპანიაა, რომელიც თავის პროდუქტებს მხოლოდ ნარჩენებისგან ქმნის. მაგალითად, ავეჯს - პლასტმასისგან და შუშის ნაკეთობებს - სმარტფონების ეკრანებისგან.

თრაშპრესოს შემქმნელები ამბობენ, რომ ამ დანადგარის გამოყენება იქ შეიძლება, სადაც დაბინძურების ძალიან მაღალი დონეა, ხოლო გადამამუშავებელი ქარხნების ჩადგმა შეუძლებელია.

ასე გამოიყურება დანადგარის უკანა მხარე, სადაც გადამუშავების პროცესი მიმდინარეობს.

ფოტო: Inhabitat

ეს შავი სფეროც გადამუშავებული პლასტმასისგანაა შექმნილი, რომელიც თრაშპრესოს მიერ გამოშვებული კაფელით მოირთო.

ფოტო: Inhabitat

ფოტო: Inhabitat

ცოტა ხნის წინ, Pentatonic-მა Starbucks-თან დაიწყო თანამშრომლობა, რომლის ფარგლებშიც ყავის კომპანიის ნარჩენებით მათი კაფეებისთვის ავეჯი შეიქმნება.