შესაძლოა, ძალიან უცნაურად ჟღერდეს ან მით უფრო უჩვეულოდ გამოიყურებოდეს, მაგრამ ფაქტია — ზოგიერთ არსებას, თავის დაკარგვის შემდეგ დღეები ან თვეებიც შეუძლია იცოცხლოს.

წარმოგიდგენთ 10 ცხოველსა და ქვეწარმავალს, რომლებსაც ეს შესანიშნავი უნარი აქვთ:

1. გველი

ფოტო: სან-დიეგოს ზოოპარკი

იცოდით, რომ თავმოკვეთილ გველებს მოძრაობა და კბენა რამდენიმე საათით კიდევ შეუძლიათ? არ მოგესმათ, მიჩნეულია, რომ უთავო გველის ნაკბენი მისი თავდაცვის ბოლო ინსტიქტია.

2. ტარაკანა

ფოტო: Shutterstock

როგორც აღმოჩნდა, ტარაკნებს თავის დაკარგვის შემდეგ არა თუ რამდენიმე საათი, არამედ რამდენიმე დღეც შეუძლიათ იცოცხლონ. იმის გათვალისწინებით, რომ ტარაკანა სასუნთქი ხვრელიდან სუნთქავს (რომელიც, როგორც ჩანს, მის თავზე არ მდებარეობს), მას ნამდვილად არ გაუჭირდება უთავოდ გადარჩენა.

თუმცა თავის გარეშე ტარაკანა საკვებსა და წყალს ვერ მიიღებს, შესაბამისად, მისი სიცოცხლის ხანგრძლივობა მხოლოდ რამდენიმე დღეს გასტანს.

3. რვაფეხა

ფოტო: Olga Visavi/Shutterstock

დაზიანებულ რვაფეხას, მისი კომპლექსური ნერვული სისტემის წყალობით, მოძრაობა გარკვეული დროის განმავლობაში ისევ შეუძლიათ, იმის გათვალისწინებით, რომ მისი ნეირონების ნაწილი, ძირითადად მის საცეცებშია მოთავსებული.

4. ბაყაყი

ფოტო: WIKIMEDIA COMMONS

როგორც ჩანს, თავის დაკარგვის შემდეგ, ბაყაყებსაც შეუძლიათ გარკვეული დროით ცხოვრება. მოგეხსენებათ, ამ ამფიბიის რეფლექსიის უნარებს მისი ზურგის ტვინი განაგებს და მთლიანი დატვირთვა მხოლოდ მის თავის ტვინს არ აქვს.

5. წითელი ჭიანჭველა

ჭიანჭველათა კოლონია

ფოტო: ISTOCK

როგორც ტარაკნებს, ჭიანჭველასაც შეუძლია გარკვეული პერიოდით თავის გარეშე არსებობა. თუმცა როგორც ტარაკანა, ისიც საკვებისა და წყლის გარეშე, დიდხანს ვერ იცოცხლებს.

6. ფუტკარი

ევსოციალურობა ბუნებრივ სამყაროში სოციალური ორგანიზების ერთ-ერთ ყველაზე განვითარებულ ფორმად ითვლება. ყველა ჭიანჭველა ევსოციალურია, ასევე ფუტკრები და ზოგიერთი კრაზანა

ფოტო: Getty Images

ფუტკრებს თავის დაკარგვის შემდეგ, შენარჩუნებული აქვთ ძირითადი რეფლექსიის უნარები, შესაბამისად, მათ გარკვეული დროის განმავლობაში გადარჩენა შეუძლიათ.

7. ქათამი

ფოტო: FiledIMAGE

ქათმებს, თავის დაკარგვის შემდეგ, რამდენიმე საათი შეუძლიათ იცოცხლონ, ძალიან იშვიათ შემთხვევებში — თვეები.

ცნობილია, რომ მაიკმა, ერთ-ერთმა ქათამმა, თავის გარეშე 18 თვე იცოცხლა.

8. სალამანდრა

ფოტო: Collins Dictionary

როგორც აღმოჩნდა, სალამანდრების რამდენიმე სახეობას შეუძლია არა მხოლოდ კიდურების და კუდის, არამედ თვალის, ტვინის და გულის ნაწილების გენერირებაც, რაც გადარჩენაში ეხმარება.

9. ჩოქელა

ფოტო: WCNC

როგორც ცნობილია, მდედრი ჩოქელები, ხშირად, მამრ ჩოქელების თავებს "ჭამენ". თუმცა ჩოქელების სხუელს თავის დაკარგვის შემდეგაც შეუძლიათ ფუნქციონირება, ვინაიდან რეფლექსიის უნარები, გარკვეული დროით, შენარჩუნებული აქვთ.

10. კუ

ფოტო: wlogosia / Shutterstock

ისტორიული წყაროების მიხედვით, თავის დაკარგვის შემდეგ კუებს რამდენიმე კვირაც უცოცხლიათ (მათი ნელი მეტაბოლიზმის წყალობით).

თავის გარეშე, ჩვეულებრივ, მათ რამდენიმე დღე შეუძლიათ ცხოვრება.