"თქვენი ბავშვის პირველი წელი“ ჩვილ ბავშვთა მოვლის ყველა ასპექტთან დაკავშირებული სახელმძღვანელოა, რომელსაც პედიატრები ყველაზე ხშირად ურჩევენ, ხოლო მშობლები ენდობიან. წიგნი, რომლის ოთხ მილიონზე მეტი ეგზემპლარია გაყიდული, ახლა უკვე ქართულ ენაზეც ხელმისაწვდომია. გამოცემა მომზადდა პედიატრიული კლინიკა მრჩეველის პროფესიონალთა გუნდის ჩართულობით, ამიტომ წიგნი მორგებულია ქართულ რეალობას. სტატიაში განვიხილავთ თემებს, რომელთაც შეხვდებით წიგნში და ვისაუბრებთ იმ მიზეზებზე, თუ რატომაა "თქვენი ბავშვის პირველი წელი“ ერთ-ერთი მნიშვნელოვანი სახელმძღვანელო მშობლებისთვის.

სანდო რჩევების წყარო:

რა თქმა უნდა, ყველა ადამიანი თავად ირჩევს მისთვის სანდო მრჩეველს სხვადასხვა სფეროში. ბავშვის აღზრდა, განვითარება, ხელშეწყობა, მასზე ზრუნვა — ეს ის საკითხებია, რომელზეც თანამედროვე მშობლები, საბედნიეროდ, საკმაოდ ბევრს ფიქრობენ და სანდო წყაროების, კვლევებზე დაფუძნეული მოსაზრებების მოძიებას ცდილობენ. ამერიკის პედიატრიის აკადემია ბავშვებზე ზრუნვის სფეროში ყველაზე ავტორიტეტული ორგანიზაციაა აშშ-ში. წიგნში თავმოყრილი რჩევები და გზამკვლევები თანამედროვე სტანდარტების მიხედვითაა შედგენილი. წიგნის მიერ შემოთავაზებული მეთოდები კვლევების შედეგად დადასტურებული, ეფექტური და გამოცდილია.

ზრდის ეტაპების სრული ანალიზი:

ძალიან ხშირია და ფაქტობრივად შეუძლებელიც კი, რომ ახალბედა მშობელმა საკუთარი შვილის განვითარების ეტაპები სხვებისას არ შეადაროს. თითოეული ბავშვი რომ განსხვავდება და შესაძლოა, განვითარების ეტაპებიც ასეთი განსხვავებული იყოს, ეს თითქოს ყველამ იცის, მაგრამ ხშირად მაინც ადარდებთ მშობლებს საკუთარი შვილის განვითარების ეტაპების სხვადასხვა ასპექტი. წიგნში თავმოყრილი ინფორმაციებიდან ერთ-ერთი უდავოდ მნიშვნელოვანი სწორედ ახალშობილთა განვითარების ეტაპების აღწერაა: რას უნდა ელოდონ მშობლები შვილის განვითარების თითოეულ ეტაპზე; როგორ შეუწყონ ხელი განვითარების ამა თუ იმ ეტაპს; რას უნდა მიაქციონ განსაკუთრებული ყურადღება ბავშვთა განვითარების ეტაპებზე დაკვირვებისას და ა.შ.

ხშირად დასმულ კითხვებზე პასუხები:

საკვები, ძილი, ტირილი, სხვადასხვა სახის ტკივილი... როგორ დავაძინოთ ახალშობილები, აქვს თუ არა გარემოს მნიშვნელობა; რომელი სახის საკვები უნდა მივაწოდოთ უსაფრთხოდ და რა ასაკიდან; რატომ შეიძლება ტიროდეს ბავშვი და სხვადასხვა სახის ტკივილთან გამკლავება: მუცლისა თუ ყელ-ყურ-ცხვირის, კბილების ამოსვლისა თუ მრავალი, ხშირად დაფარული მიზეზების კვლევა და რაც მთავარია, მათთან გამკლავების გზები.

მშობლების მენტალურ მდგომარეობაზე ზრუნვა:

ახალბედა მშობლების მენტალური მდგომარეობა ფიზიკურზე არანაკლებ საყურადღებოა. სწორედ თანამედროვე სამყაროში, ახალი მიდგომებითა და დაკვირვებებითაა შესაძლებელი სხვადასხვა დეპრესიული ეპიზოდის მართვა, მშობლებისთვის ჯერაც უცხო და ახალი მდგომარეობისთვის შეგუების გამარტივება. წიგნში მენტალური ჯანმრთელობის მართვას საკმაო ყურადღება ეთმობა. მშობლების მენტალური ჯანმრთელობისთვის ისიც მნიშვნელოვანია, რომ მარტივად მოიძიონ სწორი, უტყუარი პასუხები ყველა კითხვაზე, რომელიც ახალშობილს უკავშირდება.

წიგნი მოიცავს ყველაფერს: განსავითარებელ სავარჯიშოებს, რჩევებს ძილსა და კვებაზე, ფეხმძიმობისას გასათვალისწინებელ ასპექტებს, ანუ ესაა სრული გზამკვლევი ახალბედა მშობლებისთვის, ერთგული დამხმარე და საიმედო საინფორმაციო წყარო.

თანამედროვე მშობლები ხშირად წინასწარ ემზადებიან სხვადასხვა სირთულესთან გასამკლავებლად. ტექნოლოგიურ ეპოქაში ცხოვრებამ, რა თქმა უნდა, გაამარტივა ძალიან ბევრი რამ და მათ შორის მშობლებს მისცა საშუალება, რომ თამამად დასვან კითხვები და მოიძიონ პასუხები. თუმცა ერთი საკმაოდ უარყოფითი მხარე, რომელიც ინტერნეტ წყაროებს შეიძლება ჰქონდეს, ესაა უზუსტობა, დაუდგენელი ინფორმაციები და ხშირად არა თუ კვლევაზე, არამედ რამდენიმე შემთხვევაზე დაყრდნობით გამოტანილი დასკვნები. სწორედ ასეთ უზუსტობებს გვაცილებს თავიდან წიგნი, რომელიც კვლევებზე დაყრდნობითაა შედგენილი, მასში გათვალისწინებულია და განხილულია მრავალი სხვადასხვა შესაძლო ვარიანტი, დაზუსტებულია პასუხები და ყველაფერი მარტივად ხელმისაწვდომი, დეტალურად ახსნილია.