უნგრეთის პრემიერმინისტრმა, ვიქტორ ორბანმა რადიო Kossuth-თან ინტერვიუში განაცხადა, რომ უკრაინის ევროკავშირში გაწევრიანებისთვის წინააღმდეგობის გაწევა უნგრეთის ფუნდამენტური ინტერესია.

" უკრაინის ევროკავშირში გაწევრიანებისადმი წინააღმდეგობის შენარჩუნება — ეს უნგრეთის ფუნდამენტური ინტერესია", — თქვა ორბანმა.

მისი თქმით, სრული წევრობის ნაცვლად ევროკავშირსა და უკრაინას შორის სტრუქტურირებული, სახელშეკრულებო სტრატეგიული პარტნიორობა უნდა ჩამოყალიბდეს.

ორბანმა აღნიშნა, რომ ომში მყოფი ქვეყნის ევროკავშირში გაწევრიანება კავშირში ომის შემოტანას ნიშნავს, ხოლო ამ შემთხვევაში, უნგრეთი ფრონტის წინა ხაზად გადაიქცევა.

"ეს გაანადგურებს უნგრეთს. უთვალავი უნგრელი დაიღუპება, ჩვენს ახალგაზრდობას ომში წაიყვანენ, ჩავებმევით ომში, განვიცდით საშინელ ნგრევას, და ჩვენი ეკონომიკა სრულად ჩამოიშლება," — აღნიშნა პრემიერმინისტრმა.