დერეკ ჰაფმანი, 46 წლის ტეხასელი კაცი, 2025 წლის მარტში ცოლთან და ხუთ შვილთან ერთად რუსეთში გადავიდა, როგორც თავად ამბობს, ამერიკული ვოუქ-კულტურისა და სკოლებში LGBTQ+ იდეოლოგიისგან დასაცავად.

ჰაფმანი ტრადიციული ღირებულებების მქონე ცხოვრებას ეძებდა და რუსულ საზოგადოებაში ინტეგრაციისა და მოქალაქეობის დაჩქარებული მიღების სანაცვლოდ რუსეთის არმიაში ჩაირიცხა. ინფორმაციას ამის შესახებ The Telegraph ავრცელებს.

როგორც ამბობენ, მას არასაბრძოლო საქმეს — მაგალითად, გამაგრებითი ნაგებობების მშენებლობას ან სამხედრო კორესპონდენტობას დაჰპირდნენ. თუმცა, ცოლის თქმით, ის რუსული ენის ცუდად ცოდნისა და სამხედრო გამოცდილების არქონის მიუხედავად, ფრონტის ხაზზე გაგზავნეს. ის ამჟამად როგორც ფიზიკურად, ასევე ფსიქოლოგიურად თავს ცუდად გრძნობს. ოჯახს არც ანაზღაურება და არც დახმარება მიუღია.