ლეგენდარული ქართველი ჯაზ-მომღერალი გიული ჩოხელი მალე განსხვავებულ ამპლუაში მოგვევლინება. 90 წლის მუსიკოსი ახალ ქართულ სერიალში, ვინ იცის მერი, მონაწილეობს და მთავარი პერსონაჟის ბებიას ასახიერებს.

@cavea.plus 10 ივლისის პრემიერამდე 1 სცენას გაჩვენებთ 🫢 "ვინ იცის მერი" 10 ივლისიდან კავეაპლუსზე 💜 Coca-Cola წარმოგიდგენთ 🥤🍒 #ვინიცისმერი #ახალიქართულისერიალი #caveaplus #პრემიერა #fyp #კავეაპლუსი #ნატალიაჯუღელი #გიულიჩოხელი ♬ original sound - cavea+

სერიალში, რომლის რეჟისორიც ჩცდ-ისა და ხელოვნური სუნთქვის შემქმნელი გიორგი ლიფონავაა, ჩოხელთან ერთად სხვა ვარსკვლავებსაც ვიხილავთ; მთავარ როლებს ნატალია ჯუღელი, თინა დალაქიშვილი, გივიკო ბარათაშვილი და პაატა ინაური ასრულებენ.

ვინ იცის მერის მთავარი გმირი 34 წლის მერია, რომელიც თავის საუკეთესო მეგობართან, მისგან რადიკალურად განსხვავებულ ლიზასთან ერთად ცხოვრობს. მერი კინოხელოვნების ლექტორია და სცენარის დაწერა აქვს ჩაფიქრებული, პირად ცხოვრებაში კი ტოქსიკური ურთიერთობასთან გამკლავება უწევს. მაყურებელი სერიალს 10 ივლისიდან იხილავს კავეა პლუსზე.

რაც შეეხება გიული ჩოხელს, ქართული ჯაზის ლეგენდისთვის ეს პირველი სამსახიობო გამოცდილება არაა. მუსიკოსმა მთავარი როლი შეასრულა 1983 წელს გამოსულ ფილმში ყვითელი ჩიტი, რომლის სცენარისტიც თავადვეა. ჩოხელის ცხოვრებასა და შემოქმედებაზე გადაღებულია დოკუმენტური ფილმებიც: მღერის გიული ჩოხელი (1980) და ეს იყო სიზმარი (2014).

ასევე იხილეთ: