ეროვნული ფორუმის წევრი, ანი მიროტაძე მთავრობის საკანონმდებლო ინიციატივას საარჩევნო უბნებთან პოლიციის პატრულირების შესახებ, უარყოფითად აფასებს. ამის შესახებ მიროტაძემ დღეს, 17 ივნისს, რუსთავი 2-თან ინტერვიუში განაცხადა. მისი თქმით, პოლიციელების უბანზე ყოფნამ, შესაძლოა, გავლენა იქონიოს ამომრჩევლის ნებაზე:

"რამდენად იქნება დაცული უბანზე მისული ამომრჩეველი იმისგან, რომ პოლიციელების იქ ყოფნამ, მის გადაწყვეტილებაზე და არჩევანზე ზეგავლენა არ მოახდინოს? განსაკუთრებით რეგიონებში, თბილისთან დაკავშირებით პრობლემა არ არსებობს, მაგრამ თუ გავითვალისწინებთ იმ პრაქტიკასაც რომელიც იყო, არა რის გამორიცხული, რომ პოლიციელების უბანზე ყოფნამ გარკვეული ზეგავლენა მოახდინოს ამომრჩევლის ნებაზე".

დღეს, ადამიანის უფლებათა დაცვის კომიტეტში ორგანულ კანონში შესატანი ცვლილება განიხილეს. პროექტის მიხედვით, კომისიის თავმჯდომარეს შეეძლება პოლიციის გამოძახება საზოგადოებრივი წესრიგის დარღევისას.

ასევე, 59-ე მუხლს დაემატება ახალი ნორმა, რომლის თანახმად, კენჭისყრის შენობის მიმდებარე ტერიტორიაზე, მაგრამ არა – კენჭისყრის შენობაში, პოლიციის თანამშრომლები შეიძლება პატრულირებდნენ საუბნო საარჩევნო კომისიის თავმჯდომარის მოთხოვნისა და თანხმობის გარეშეც, თუ ეს სრულიად აუცილებელია საზოგადოებრივი წესრიგის დარღვევის აღკვეთის ან დაცვის მიზნით