27 ივნისს, თიბისის მხარდაჭერით, Hubs.ge-ს შოურუმში ქალთა საფეხბურთო კლუბ ვერესა და ბორჯომის საფეხბურთო კლუბ თორის ასაკობრივი გუნდების ფეხბურთელები ქართული და ევროპული ფეხბურთის ვარსკვლავს — გიორგი მამარდაშვილს შეხვდნენ.

საგანგებოდ ამ დღისთვის, გიორგისთან კოლაბორაციით, თიბისიმ ბავშვებისთვის შექმნა ბრენდული ატრიბუტიკა, რომელიც პატარა ფეხბურთელებს საჩუქრად გადაეცათ და რომელზეც მამარდამ მათ სამახსოვრო ავტოგრაფები დაუტოვა.

გიორგი მამარდაშვილმა მათ შთამაგონებელი სიტყვით მიმართა, გაუზიარა თავისი გამოცდილება. უდავოა, რომ მამარდასთან შეხვედრა ბავშვებისთვის ერთ-ერთ ყველაზე ნათელ და შთამბეჭდავ მოგონებად დარჩება.

გვჯერა, რომ ახალი თაობის ფეხბურთელებისთვის გიორგი მამარდაშვილთან შეხვედრა დიდ შთაგონებად იქცევა და ამის შემდეგ, უფრო მეტი მონდომებით, მოტივაციითა და შემართებით გააგრძელებენ საქმეს, რომელიც აირჩიეს და რომლისაც სჯერათ.