ირანის საგარეო საქმეთა მინისტრი, აბას არაღჩი რუსეთის პრეზიდენტს ვლადიმერ პუტინს შეხვდა. ცნობილია, რომ შეხვედრაზე ახლო აღმოსავლეთში კონფლიქტის ესკალაცია განიხილეს.

რუსეთის პრეზიდენტის ძირითადი გზავნილებიდან ერთ-ერთი იყო, რომ "ირანის წინააღმდეგ არაპროვოცირებულ აგრესიას არანაირი საფუძველი და გამართლება არ აქვს"

'ჩვენ გვაქვს დიდი ხნის, კარგი, საიმედო ურთიერთობები ირანთან. ჩვენი მხრივ, ჩვენ ვცდილობთ, დახმარება გავუწიოთ ირანელ ხალხს" — აღნიშნა პუტინმა.

როგორც მან აღნიშნა, ირანსა და ისრაელს შორის მიმდინარე მოვლენებთან დაკავშირებით კარგად არის ცნობილი და ჩამოყალიბებული რუსეთის საგარეო საქმეთა სამინისტროს მიერ.

ირანის საგარეო საქმეთა მინისტრის თქმით, თეირანი თელ-ავივისა და ვაშინგტონის ქმედებებს არალეგიტიმურად მიიჩნევს. როგორც აბას არაღჩიმ აღნიშნა, "ისლამურ რესპუბლიკას აქვს ლეგიტიმური უფლება, დაიცვას თავი".

მისივე თქმით, რუსეთი და ირანი მუდმივად აწარმოებენ კონსულტაციებს ყველა საკითხზე, განსაკუთრებით გლობალური უსაფრთხოების საკითხებზე.

"ასევე გვინდოდა მადლობა გადაგვეხადა რუსეთისთვის ამ ქმედებების მკაცრად დაგმობისთვის. რუსეთი დღეს ისტორიისა და საერთაშორისო სამართლის სწორ მხარესაა. ირანის უზენაესმა ლიდერმა და ირანის პრეზიდენტმა ბატონმა პეზეშკიანმა მთხოვეს, თქვენთვის საუკეთესო სურვილები გადმომეცა" — განაცხადა არაღჩიმ.