ირანის მიერ სარაკეტო თავდასხმების მორიგი ტალღის შემდეგ, ისრაელის თავდაცვის მინისტრმა, ისრაელ კაცმა განაცხადა, რომ არ შეიძლება აიათოლა ალი ხამენეიმ "არსებობა გააგრძელოს". ამის შესახებ ინფორმაციას Skynews ავრცელებს.

"დიქტატორი, როგორიც ხამენეია, რომელიც უდგას სათავეში ქვეყანას, რომელმაც ისრაელის განადგურება საკუთარ მისიად აქცია — ასეთმა კაცმა არ უნდა გააგრძელოს არსებობა," — განაცხადა ისრაელ კაცმა.

მისივე თქმით, ისრაელის თავდაცვის ძალებს (IDF) უკვე "მიცემული აქვს ინსტრუქცია" და მათ იციან, რომ "მიზნების მისაღწევად, ეს ადამიანი ნამდვილად აღარ უნდა არსებობდეს".

Skynews-ის ინფორმაციით, ეს განცხადება ამერიკელი ოფიციალური პირების ინფორმაციას მოჰყვა, რომლის მიხედვითაც ამ კვირაში დონალდ ტრამპმა ისრაელის გეგმას ხამენეის მოკვლის შესახებ ვეტო დაადო.