ახალგაზრდა ქალი ამბობს, რომ ამერიკელ მომღერალ რობერტ კელის მასთან სექსუალური ურთიერთობა მაშინ ჰქონდა, როცა ის ჯერ კიდევ არასრულწლოვანი იყო. ის ასევე ამბობს, რომ მომღერალი მასზე ფიზიკურად ძალადობდა და ოთახში დღეების განმავლობაში კეტავდა.

ჯერონდა ფეისის თქმით, I Believe I Can Fly-ის ავტორი და შემსრულებელი მას 2008 წელს, სასამართლოს გარეთ შეხვდა, როდესაც მომღერალს ბავშვების პორნოგრაფიაში ჩართვისთვის ასამართლებდნენ. ამ დროს ის კელის და მისი მუსიკის ფანი იყო.

ჯერონდა ფეისი 2008 წელს კელის სასამართლოს გარეთ ელოდება.

ფოტო: Maggie Rife

ფეისი ამბობს, რომ კელიმ მასზე უფროსი ქალი გააცნო, რომელსაც ის უნდა "გაეწვრთნა", რათა ესწავლა, როგორ ესიამოვნებინა მომღერლისთვის.

ჯერონდას თქმით, ის 16 წლის იყო, როდესაც ქალმა "მწვრთნელმა" მას ის სექსუალური მოქმედებები შეასწავლა, რომელიც კელის აღაგზნებდა და დააკმაყოფილებდა.

"კელი ტურნეში იყო, მე მის ავტობუსში ავედი და ის და "მწვრთნელი ქალი" შიშვლები დამხვდნენ. გავოცდი და ვიკითხე, რა ხდებოდა, რადგან მე კელის ჩემი ქალწულობა შევწირე. მან მითხრა, რომ ამაზე არ უნდა მენერვიულა, თუმცა შენიშნა, რომ თავს ცუდად ვგრძნობდი და მინდოდა გამერკვია, რა ხდებოდა.

სწორედ ამ დროს მითხრა, რომ ეს ქალი მასწავლიდა ყველაფერს რაც მჭირდებოდა, რომ მისთვის სიამოვნება მიმენიჭებინა. ის ქალი კი მე მასიამოვნებდა. მითხრა, რომ ტანსაცმელი უნდა გამეხადა და სწორედ მაშინ ჩამითრია ამ ქალთან სექსუალურ ურთიერთობაში.

ყველაფერს ვაკეთებდი, რასაც ჩემგან ითხოვდა, მაგრამ ძალიან შეშინებული ვიყავი და ის ამით სარგებლობდა".

ჯერონდა ფეისის თქმით, 50 წლის მომღერალი მასზე ფიზიკურადაც ძალადობდა, სახეში ურტამდა და მის სახლში ცხოვრების პარალელურად, მას ოთახში დღეების განმავლობაში კეტავდა.

მისი თქმით, ის კელის სახლიდან მაშინ გაიქცა, როცა უთხრა, რომ თავისი ბიძის სახლში ფეხსაცმელების წამოსაღებად მიდიოდა:

"იმ მომენტში, როცა მისი სახლიდან გამოვედი, მივხვდი, რომ იქ აღარ დავბრუნდებოდი. მე ყველაფერი დავტოვე და არასდროს მიმიხედია უკან".

კელისა და ფეისის შეხვედრისას, მომღერალს სასამართლოები ჰქონდა, რომელზეც 14 წლის გოგოსთან სექსისა და მისი ვიდეო-გადაღების გამო მიმდინარეობდა. კელიმ მაშინ ყველა ბრალდება მოიხსნა და ის უდანაშაულოდ სცნეს. ამის შემდეგ, მას რამდენჯერმე დასდეს ბრალი არასრულწლოვნებთან სექსუალურ ურთიერთობაში, თუმცა არასდროს უცნიათ დამნაშავედ.

იგივე ბრალდებით, ის ორჯერ დააკავეს, თუმცა მალევე გაათავისუფლეს.

კელის წარმომადგენლები ბრალდებას უარყოფენ და აცხადებენ, რომ რობერტ კელი თავისი სახელისთვის ამ ლაქის მოშორებას აპირებს.