კ-პოპის სუპერვარსკვლავებმა, R-მა და V-მ ბენდ BTS-დან სამხრეთ კორეაში სავალდებულო სამხედრო სამსახური მოიხადეს.

მუსიკოსებმა სამშაბათს დილით, ქალაქ ჩუნჩონში დაახლოებით 200 ფანის წინ დატოვეს ჯარი, რომელთაგან ზოგიერთი მექსიკიდან, თურქეთიდან და ბრაზილიიდანაც იყო ჩამოსული.

ფოტო: Getty Images

RM-მა და V-მ სამხედრო სამსახურის მოხდა 2023 წლის დეკემბერში დაიწყეს, მაშინ, როცა BTS-ის სამი წევრი — ჯინი, ჯეი-ჰოუფი და შუგა უკვე ჯარში იყვნენ.

ჯინმა, სუპერპოპულარული ბოიბენდის ყველაზე უფროსმა წევრმა, არმია ივნისში დატოვე, ჯეი-ჰოუფმა კი ოქტომბერში. ჯიმინი და ჯანგკუკი, ჯგუფის ყველაზე უმცროსი წევრები, ჯარს ოთხშაბათს დატოვებენ.

ჯგუფის მეშვიდე წევრი, შუგა, სოციალური სერვისის აგენტად მსახურობს, რაც სამხრეთ კორეაში ჯარის ერთ-ერთი ალტერნატივაა. სავალდებულო სამსახურს შუგა ივნისის ბოლოს დაასრულებს.

ფოტო: HYBE

სამხრეთ კორეაში 18-დან 28 წლამდე ასაკის ყველა შრომისუნარიანი მამაკაცი კანონით ვალდებულია 18-დან 21 თვემდე სამხედრო სამსახური გაიაროს გაწვევის სისტემის ფარგლებში, რომელიც მიზნად ისახავს ჩრდილოეთ კორეის მხრიდან აგრესიის შეკავებას.

კანონი განსაკუთრებულ შეღავათებს აძლევს სპორტსმენებს, კლასიკურ და ტრადიციულ მუსიკოსებს, ბალეტისა და სხვა ტიპის მოცეკვავეებს, თუ მათ გარკვეულ შეჯიბრებებში მთავარი პრიზები მოიპოვეს და ქვეყანაში შეფასდებიან, როგორც ეროვნული პრესტიჟის
ამმაღლებელი პირები. K-pop ვარსკვლავები და სხვა შემსრულებლები ამ პრივილეგიით არ სარგებლობენ.