My Little Pony: Friendship is Magic [ჩემი პატარა პონი: მეგობრობა მაგიაა] შეიძლება თქვენ არ იცოდეთ, მაგრამ დამერწმუნეთ, რომ თქვენს გარშემო მყოფმა ყველა პატარა გოგომ იცის პატარა პონების სახელები.

ცოტა ხნის წინ ავსტრალიელმა მომღერალმა სიამ ანიმაციური სერიალისთვის სიმღერა Rainbow დაწერა, ხოლო გუშინ, 19 სექტემბერს მისი კლიპიც გამოუშვა.

Sia-ს მუზას, ბალერინას მედი ზიგლერს ახალ კლიპშიც იხილავთ. მედი ზიგლერი ცნობილი რეალითი შოუ Dance Moms-ით გახდა, Sias-ს კლიპებიდან კი პირველად Chandelier-ში გამოჩნდა.

ეს Sia-ს ყველაზე ემოციური სიმღერა ნამდვილად არაა, თუმცა რამდენიმე მოსმენის შემდეგ, თქვენს თვალებში ცისარტყელის ფერებად მოელვარე ცრემლები შესაძლოა მართლაც გაჩნდეს.