უკრაინა NATO-ს სამიტზეა მიწვეული, რომელიც 24-25 ივნისს ჰააგაში გაიმართება — ამის შესახებ უკრაინის პრეზიდენტმა ვოლოდიმირ ზელენსკიმ ჟურნალისტებს განუცხადა.

"ჩვენ გვქონდა შეხვედრა NATO-ს გენერალურ მდივანთან. NATO-ს სამიტზე მიგვიწვიეს. ვფიქრობ, ეს მნიშვნელოვანია," — განაცხადა ზელენსკიმ ჟურნალისტებთან Zoom-ით საუბრისას.

უკრაინის პრეზიდენტის თქმით, საგარეო საქმეთა მინისტრი ანდრიი სიბიგა თავის კოლეგებთან ერთად სამიტის შესაძლო შედეგებზე იმსჯელებს.

შეგახსენებთ, 2 ივნისს, სტამბოლში რუსეთისა და უკრაინის დელეგაციებს შორის მოლაპარაკება გაიმართა. წყაროების ცნობით, დელეგაციების შემდეგ შეხვედრასთან დაკავშირებით კონკრეტული შეთანხმებები ჯერ არ არსებობს. მხარეებმა პატიმრების გაცვლაზე იმსჯელეს, შედეგები კი ოფიციალურად გამოცხადდება.

რუსული მედია: რუსეთ-უკრაინის მოლაპარაკებები დასრულდა

რუსეთი და უკრაინა შეთანხმდნენ ფართომასშტაბიან პატიმრების გაცვლაზე: ყველა მძიმედ დაჭრილი და მძიმედ დაავადებული, ასევე 19-დან 25 წლამდე ასაკის პირები. მედინსკის თქმით, ორივე მხარე სამედიცინო კომისიებს მოაწყობს და ასეთი გაცვლები, მისი თქმით, რეგულარული იქნება.

სახელმწიფო სააგენტო TASS-მა დოკუმენტი გამოაქვეყნა, რომელიც შეიცავს მოთხოვნებს — რუსეთმა არაერთხელ საჯაროდ გააჟღერა. მაგალითად, მოთხოვნა კიევმა უარი თქვას სამხედრო ალიანსებსა და კოალიციებში (იგულისხმება NATO და ევროკავშირი) გაწევრიანებაზე, უკრაინული არმიის მაქსიმალური რაოდენობის დადგენა და კიევისთვის არაბირთვული სტატუსის მინიჭება.

რას ითხოვს რუსეთის უკრაინაში ომის დასასრულებლად? — რა შედეგით დასრულდა რუსეთ-უკრაინის მოლაპარაკების მეორე რაუნდი