ოცნების წევრი ირაკლი ზარქუა აშშ-ს საელჩოს განცხადებას გამოეხმაურა იმის შესახებ, რომ "ბიძინა ივანიშვილმა უარი თქვა ელჩ დანიგანთან შეხვედრაზე, სადაც მას ტრამპის ადმინისტრაციის გზავნილი უნდა მოესმინა".

"ადამიანს, რომელსაც აშანტაჟებდნენ მთელი ამ პერიოდის განმავლობაში და არ გატყდა, არ გაცვალა პირადი კეთილდღეობა სახელმწიფო ინტერესებში და დღემდე ასეა, სანქციების ქვეშაა და თქვენ როგორ ფიქრობთ, მოცემულობაში შეიძლება შეხვდე და ელაპარაკო? თუ ვინმეს უნდა ურთიერთობების გადატვირთვა, მით უმეტეს საელჩოს, აგერ არის პრემიერმინისტრი, აგერ არის საგარეო საქმეთა სამინისტრო საელჩო? რატომ ცდილობენ ყველაფერი გაართულონ? ისედაც უკვე გართულებულია, წინა ადმინისტრაციამ ყველაფერი გააფუჭა", — თქვა ოცნების წევრმა, ირაკლი ზარქუამ ტვ პირველის ჟურნალისტთან საუბრისას.