დონალდ ტრამპმა დაამტკიცა 175 მილიარდი დოლარის ღირებულების ანტისარაკეტო თავდაცვის სისტემა "ოქროს გუმბათი" და დასძინა, რომ პროექტი მისი მმართველობის ვადის დასრულებამდე ამოქმედდება — ამის შესახებ BBC გვატყობინებს.

ტრამპმა გაპრეზიდენტებიდან მალევე განაცხადა, რომ მისი მიზანია აშშ-ს მომავალი თაობის საჰაერო საფრთხეებისგან თავდაცვაა.

პრეზიდენტმა ტრამპმა ასევე განაცხადა, რომ "ოქროს გუმბათის" პროექტს კოსმოსური ძალების გენერალი მაიკლ გეტლაინი უხელმძღვანელებს, რომელიც კოსმოსური ძალების ოპერაციების ვიცე-ხელმძღვანელია.

ორშაბათს, ოვალურ კაბინეტში სიტყვით გამოსვლისას ტრამპმა განაცხადა, რომ სისტემა მიწაზე, ზღვასა და კოსმოსში განთავსებულ ტექნოლოგიებზე იქნება დაფუძნებული, მათ შორის — კოსმოსში განთავსებულ სენსორებსა და შემაფერხებელ ელემენტებზე. ტრამპის თქმით, კანადამ უკვე გამოთქვა ინტერესი, რომ ამ თავდაცვის სისტემაში ჩაერთოს.

"ოქროს გუმბათი დაიცავს ჩვენს სამშობლოს," — განაცხადა დონალდ ტრამპმა.

BBC-ის ცნობით, პენტაგონის ოფიციალური პირები პრეზიდენტს უკვე დიდი ხანია აფრთხილებენ, რომ აშშ-ის ამჟამინდელი თავდაცვის სისტემები ვეღარ უმკლავდება იმ მოწინავე სარაკეტო ტექნოლოგიებს, რომლებიც რუსეთმა და ჩინეთმა შეიმუშავეს.

"ფაქტობრივად, დღეს არ არსებობს სრულყოფილი სისტემა. გავფართოვდით ცალკეულ რაკეტებზე და ცალკეულ თავდაცვით მიმართულებებზე, მაგრამ სრულყოფილი სისტემა — როგორც ასეთი — არ არსებობს... მსგავსი რამ არასდროს ყოფილა," — განაცხადა დონალდ ტრამპმა.

თავდაცვის დაზვერვის სააგენტოს (DIA) მიერ ახლახან გამოქვეყნებულ დოკუმენტში ვკითხულობთ, რომ ჩინეთი და რუსეთი აქტიურად მუშაობენ პროექტებზე, რომლებიც აშშ-ის თავდაცვით სისტემებში არსებულ ხარვეზებს თავიანთი უპირატესობისთვის გამოიყენებენ.