CyberHouse კიბერ უსაფრთხოების სფეროში მოღვაწე ქართული კომპანიაა. კომპანიის დაარსებას საფუძველი ჩაეყარა 2012 წელს ესტონეთში. On.ge-ს კიბერჰაუსის დამფუძნებლები მიხეილ ბასილაია, დავით აღნიაშვილი და გიგი გურიელიძე ესაუბრნენ.

- მთელს მსოფლიოში კიბერ უსაფრთხოების სპეციალისტების დიდი დეფიციტია. საქართველოში ამ მიმართულებით სიღრმისეული პრობლემები 2008 წლის ომისდროინდელი კიბერ შეტევების შემდეგ გამოჩნდა. მას შემდეგ ინფორმაციულ სისტემებზე დამოკიდებულება მნიშვნელოვნად გაიზარდა და შესაბამისად - გამოწვევები და რისკებიც.

პირველი ნაბიჯების გადადგმაში ძალზე დაგვეხმარა პროფესიული კონტაქტები, დაარსების დღიდან ვთანამშრომლობთ უცხოურ კომპანიებთან, მათი გამოცდილების გაზიარება დაგვეხმარა სწრაფად აგვეღო ალღო ამ ბიზნესისთვის. დღესაც ვთვლით, რომ ჩვენი წარმატება მნიშვნელოვანწილად განაპირობა საზღვარგარეთ შეძენილმა კონტაქტებმა. მუდმივად ვესწრებით სხვადასხვა ტიპის ღონისძიებებს და ვზრუნავთ მაქსიმალურად განვავითაროთ პარტნიორობა პროფესიულ წრეებთან და ჩვენს სფეროში მოღვაწე სხვა კომპანიებთან.

- კონკრეტულად რას საქმიანობს კიბერჰაუსი?

ჩვენ პოტენციურ კლიენტებს ვთავაზობთ:

ჩვენი მიდგომაა, რომ ყველა კომპანიას ინდივიდუალურ საჭიროებებზე მორგებული სერვისი შევთავაზოთ. ბევრი ორგანიზაცია ყიდულობს ძვირად ღირებულ ინფორმაციულ სისტემას ან სერვისს და მხოლოდ შემდეგ აღმოაჩენს, რომ არც ამ სისტემის მართვის რესურსი აქვს და რეალურად არც სჭირდება. ვცდილობთ ყველა ორგანიზაციას მასზე მორგებული უსაფრთხოების გადაწყვეტილებები შევთავაზოთ. ბიზნეს პროცესები, შესაბამისად რისკებიც, უმეტესწილად განსხვავებულია ამიტომ მნიშვნელოვანია ინდივიდუალური მიდგომები.

ჩვენი პრიორიტეტული მიმართულებაა უსაფრთხოების და შიდა აუდიტის აუთსორსინგია. ინფორმაციის დაცვა ნებისმიერ კომპანიას სჭირდება, რომელიც დამოკიდებულია ინფორმაციულ სისტემებზე. ხოლო უსაფრთხოების სფეროში კადრების ნაკლებობის გამო, უსაფრთხოებია უფრო და უფრო ძვირდება. ამ შემთხვევაში გამოსავალი სწორედ აუთსორსინგია, როდესაც ინფორმაციული უსაფრთხოების ოფიცრის ან აუდიტორის როლს ვითავსებთ ან ორგანიზაციის ოფიცერს ვეხმარებით სხვადასხვა ფუნქციების განხორციელებაში. უკვე გვყავს რამდენიმე მსხვილი კლიენტი ამ მიმართულებით.

- რა გამოარჩევს თქვენს კომპანიას სხვებისგან?

ჩვენი უპირატესობა არის ადამიანური რესურსი და გამოცდილება. კიბერჰაუსი სამმა პარტნიორმა დავაფუძნეთ და მხოლოდ დამფუძნებლებს ჯამში 20 წელზე მეტი სამუშაო გამოცდილება გვაქვს ინფორმაციული უსაფრთხოების მიმართულებით როგორც კერძო (საბანკო), ისე საჯარო სექტორში. ჩვენ გუნდში 5 წევრია და ვფლობთ შემდეგ საერთაშორისო სერთიფიკატებს:

  • Certified Ethical Hacker
  • Certified Information Security Manager
  • Certified Information Systems Security Professional
  • Certified Information Systems Auditor
  • ISO 27001 Lead Implementer
  • ISO 22301 Lead Implementer
  • Cobit 5

უნდა აღინიშნოს კვალიფიკაციის კუთხით, რაც თავისმხრივ გამყარებულია საერთაშორისო სერთიფიკატებით, ჩვენი გუნდი გამორჩეულია ქართულ ბაზარზე. ძირითადი წევრების გარდა, გვყავს გამოცდილი უცხოელი და ადგილობრივი ფრილანსერები, რომლებიც, საჭიროების შემთხვევაში, სხვადასხვა პროექტებში ერთვებიან. აღსანიშნავია ჩვენი გამოცდილება ინფორმაციული უსაფრთხოების მართვის სისტემისა და ბიზნეს უწყვეტობის დანერგვის მიმართულებით. რომ შევაჯამოთ, ქართულ ბაზარზე ინფორმაციული უსაფრთხოების კუთხით ყველაზე გამოცდილი გუნდი გვყავს.

- რას მიიჩნევთ მთავარ გამოწვევად ინფორმაციული უსაფრთხოების მიმართულებით?

გამოწვევად რჩება ინფორმაციული უსაფრთხოების მიმართულებით არსებული შეხედულებები. ორგანიზაციებში ჯერ კიდევ ბოლომდე ვერ აცნობიერებენ ინფორმაციასთან დაკავშირებულ რისკებს და ინფორმაციულ უსაფრთხოების საჭიროებას, ყველას აქვს განცდა, რომ მისი ორგანიზაცია არასოდეს გახდება კიბერ შეტევის მსხვერპლი. სინამდვილეში ეს უბრალოდ დროის საკითხია და სასწორის მეორე მხარეს უმეტესწილად ორგანიზაციის ყოფნა-არყოფნა დგას, პოსტ-ფაქტუმ მოქმედებები დაგვიანებული ან ძალზე ძვირია.