5 მაისს, ახალციხეში, ბაგა-ბაღში 2 წლის ბავშვი გარდაიცვალა. ამის შესახებ ინფორმაცია სამხრეთის კარიბჭემ გაავრცელა.

მათი ცნობით, მცირეწლოვანი პროზექტურაშია გადაყვანილი.

ლევან სამხარაულის სახელობის სასამართლო ექსპერტიზის ახალციხის ბიუროს ექსპერტის, დავით მერაბიშვილის განმარტებით, ბავშვი 2 წლისაა.

რა გახდა მისი გარდაცვალების მიზეზი, ამ ეტაპზე უცნობია. გამოცემა წერს, რომ ერთ–ერთი ვერსიით, როდესაც ბავშვს ეძინა, მის სანახავად მისულ აღმზრდელს, ის უკვე გარდაცვლილი დახვდა.

შსს-ს ცნობით, გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.