თბილისში, ვაგზლის ბაზრობის ტერიტორიაზე ძლიერი ხანძარია. არსებული ინფორმაციით, ხანძარი "ბორჯომის ვაგზლის" ტერიტორიაზე გაჩნდა. დამწვარია სასაწყობე ფართები, სადაც განთავსებული იყო მეორეული ტანსაცმელი, ხილ-ბოსტნეული და სხვადასხვა სახის პროდუქტი.

არსებული ინფორმაციით, ხანძრის შედეგად არავინ დაშავებულა.

IPN-ის ინფორმაციით, ხანძარი დაახლოებით 6:00 საათზე გაჩნდა.

"სულ ყველაფერი დაიწვა, არაფერი დარჩა. კოშმარი იყო ისეთი დაკვამლიანება იყო. მეორეული ტანსაცმლის ნაწილიც დამწვარია. ერთიანად არის გაჩენილი ხანძარი. ისეთი შავი კვამლი გამოდიოდა….," — აღნიშნავენ მოვაჭრეები IPN-თან საუბრისას.

ამ წუთებში მოვაჭრეები ცდილობენ სასაწყობე ფართების ის ნაწილი დაცალონ, სადაც ხანძარი არ არის.