სულხან-საბა ორბელიანის უნივერსიტეტის ბიზნესისა და ტექნოლოგიების ფაკულტეტის წარჩინებულ სტუდენტებს ბაზისბანკის სტიპენდიები გადაეცათ.

უკვე 12 წელია, რაც ბაზისბანკი სულხან-საბა ორბელიანის უნივერსიტეტის მხარდამჭერია.

საბაუნის ბიზნესისა და ტექნოლოგიების ფაკულტეტის საბაკალავრო და სამაგისტრო პროგრამები ერთ-ერთი ყველაზე მოთხოვნადია ქართულ აკადემიურ სივრცეში. ბაზისბანკთან მრავალწლიანი თანამშრომლობა და ბანკის მიერ დაწესებული სასტიპენდიო პროგრამა კი, განსაკუთრებული შესაძლებლობაა საბაუნის სტუდენტების მოტივაციის ამაღლებისა და აკადემიური მოსწრების გასაუმჯობესებლად, რაც თავის მხრივ, ყოველწლიურ შედეგებზეც აისახება.

2025 წლის გაზაფხულის სემესტრში ბაზისბანკის სტიპენდიით დაჯილდოვდნენ ბიზნესისა და ტექნოლოგიების ფაკულტეტის სტუდენტები. ისინი გამოირჩნენ მაღალი აკადემიური მოსწრებით, აქტიურობითა და უნივერსიტეტის ცხოვრებაში ჩართულობით.

გაზაფხულის სემესტრის სტიპენდიატები გახდნენ:

  • თეკლა ბუნაძე
  • მარიამი ნოზაძე
  • ნათია საგინაშვილი
  • მარიამ აკობია
  • ლაშა ბუცხრიკიძე

ბაზისბანკის სტიპენდიები არა მხოლოდ ფინანსური მხარდაჭერაა, არამედ ერთგვარი აღიარება და სტიმულია სტუდენტებისთვის, რომლებიც ძალისხმევას არ იშურებენ პიროვნული და პროფესიული განვითარებისთვის. თითოეული სტიპენდიატი წარმატების მაგალითია, რომელიც სხვებისთვისაც შთაგონების წყარო ხდება.

“განსაკუთრებით გვახარებს, რომ ბაზისბანკთან სტრატეგიული პარტნიორობა უკვე მე-12 წელია წარმატებით გრძელდება. ეს თანამშრომლობა ნათელი მაგალითია იმისა, თუ როგორ შეუძლია საგანმანათლებლო დაწესებულებისა და კერძო სექტორის ეფექტურ ურთიერთობას ხელი შეუწყოს ახალგაზრდა თაობის პროფესიულ ზრდას. ბაზისბანკის მხარდაჭერით, ჩვენ შევძელით შეგვექმნა დამატებითი მოტივაცია სტუდენტებისთვის, რაც აისახება, როგორც აკადემიური მოსწრების გაუმჯობესებაზე, ისე საუნივერსიტეტო ცხოვრებაში მათი ჩართულობის ზრდაზე" — აღნიშნავს სულხან-საბა ორბელიანის უნივერსიტეტის ბიზნესისა და ტექნოლოგიების ფაკულტეტის დეკანი, თამთა მიქაბერიძე.

“ბაზისბანკისა და სულხან-საბა ორბელიანის უნივერსიტეტს შორის თანამშრომლობა მე-12 წელია გრძელდება. აქტიურად ვართ ჩართული ახალი თაობის განათლების მხარდამჭერ პროექტებში და ყოველწლიურად გავცემთ სტიპენდიებს წარჩინებულ სტუდენტებზე. სულხან-საბა ორბელიანის უნივერსიტეტისა და ბაზისბანკის მრავალწლიანი თანამშრომლობის შედეგად, ყოველწლიურად იზრდება მაღალი აკადემიური მოსწრების სტუდენტების რაოდენობა“ — ამბობს ბაზისბანკის სტრატეგიული კომუნიკაციებისა და ბრენდინგის დეპარტამენტის უფროსი, თამარ ხადური.