"ჩვენი პარტია კონსერვატორები საქართველოსთვის ოფიციალურად დარეგისტრირდა, — ამის შესახებ "ალტ-ინფოს" ერთ-ერთი ლიდერი ზურა მახარაძე სოციალურ ქსელში წერს და პარტიის რეგისტრაციის დოკუმენტს აქვეყნებს.

მისივე თქმით, "გაწელილი, უაზროდ გაჭიანურებული ბიუროკრატიული ბრძოლა დასრულდა".

საჯარო რეესტრმა "ალტ-ინფოს" ახალი პარტია დაურეგისტრირა

საჯარო რეესტრმა "ალტ-ინფოს" ახალი პარტია დაურეგისტრირა

საჯარო რეესტრის გადაწყვეტილება 22 აპრილით არის დათარიღებული.

რადიო თავისუფლება წერს, რომ განაცხადი პარტიის რეგისტრაციაზე რეესტრის ვებსაიტზე 27 თებერვალს გამოჩნდა, თუმცა ამ დრომდე არ კმაყოფილდებოდა. პირველი ხარვეზი რეესტრის თანამშრომელმა 27 მარტს აღმოაჩინა, მეორე კი — 8 აპრილს. მონაცემების განსაახლებლად პარტიას, "კონსერვატორები საქართველოსთვის", 10-დღიანი ვადა ჰქონდა.