უკრაინის პრეზიდენტი ვოლოდიმირ ზელენსკი X-ზე წერს, რომ უკრაინის, დიდი ბრიტანეთის, საფრანგეთისა და აშშ-ის წარმომადგენლები 23 აპრილს ლონდონში შეხვედრას გამართავენ.

უკრაინის პრეზიდენტის, ვოლოდიმირ ზელენსკის ცნობით, დიდი ბრიტანეთის პრემიერმინისტრ კირ სტარმერთან დეტალური სატელეფონო საუბარი ჰქონდა.

"ოთხშაბათს ჩვენი წარმომადგენლები ლონდონში იმუშავებენ. უკრაინა, გაერთიანებული სამეფო, საფრანგეთი და აშშ. ჩვენ მზად ვართ, წინ ნაბიჯი რაც შეიძლება კონსტრუქციულად გადავდგათ, რათა უპირობო ცეცხლის შეწყვეტას მივაღწიოთ, რომელსაც ნამდვილი და ხანგრძლივი მშვიდობის დამყარება მოჰყვება," — წერს უკრაინის პრეზიდენტი.

ზელენსკის განცხადებით, უპირობო ცეცხლის შეწყვეტა მშვიდობისკენ გადადგმული პირველი ნაბიჯი უნდა იყოს.

"ამ აღდგომამ ნათელი გახადა, რომ რუსეთის ქმედებებია ის, რაც ომს ახანგრძლივებს. ასევე, კირთან [სტარმერი] ევროპის უსაფრთხოების ფორმატში ჩვენი ერთობლივი მუშაობის საკითხი განვიხილე," — აღნიშნავს ვოლოდიმირ ზელენსკი.