ინტელექტკლუბ "რა? სად? როდის?" წევრი მიხეილ სამხარაძე დიღმის წინასწარი დაკავების იზოლატორში იმყოფება. ის ადვოკატმა მოინახულა. მისი თქმით, დაკავებულს ხელზე მცირე დაზიანებები აღენიშნება.

ამის შესახებ ადვოკატმა მარიამ მაღრაძემ ტვ პირველის ჟურნალისტთან საუბრისას განაცხადა.

"მიხეილი უკვე ტროტუარზე იყო, როცა მოხდა მისი დაკავება. დაკავებისას არაპროპორციული ძალა იქნა გამოყენებული. მას აქვს მსუბუქი დაზიანება აღენიშნება ხელზე. დაკავებისას წააქციეს ბატონი მიხეილი. თავს კარგად გრძნობს, მხნედაა, თუმცა არც კი ციოდა რისთვის მოხდა მისი დაკავება. ვინაიდან მას დაემორჩილა პოლიციის მითითებას. არანაირი განმარტება არ მისცეს. მხოლოდ იზოლატორში გახდა ცნობილი, რომ 173-ე მუხლით მოხდა მისი დაკავება", — ამბობს ადვოკატი.

რუსთაველის გამზირზე მიმდინარე აქციაზე, 20 აპრილს, გვიან ღამით ორი პირი — მიხეილ სამხარაძე და გიორგი ორთოიძე ადმინისტრაციული წესით დააკავეს.

გიორგი ორთოიძის ცოლის, ნათია ბუკიას ცნობით, გიორგი ორთოიძე ავჭალის წინასწარი დაკავების იზოლატორში იმყოფება.

შინაგან საქმეთა სამინისტროს ცნობით, აქციის მონაწილეებს ადმინისტრაციულ სამართალდარღვევათა კოდექსის 173-ე მუხლით გათვალისწინებული ქმედების ჩადენას ედავებიან, რაც პოლიციელისადმი დაუმორჩილებლობას გულისხმობს.

20 აპრილის ღამის დაკავებების შემდეგ, 21 აპრილს 12:00 საათზე "მათი შიში — ჩვენი ძალა" — საპროტესტო აქცია დაანონსდა.

შსს-ს ცნობით, გასულ ღამეს რუსთაველის გამზირზე 2 პირი ადმინისტრაციული წესით დააკავეს

რუსთაველის გამზირზე პოლიციამ, სავარაუდოდ, აქციის 2 მონაწილე დააკავა