"ელექტროენერგიის ავარიულად გათიშვის გამო, თბილისის მეტროს პირველი ხაზი დროებით ვერ ემსახურება მგზავრებს", — ამის შესახებ ინფორმაციას თბილისის სატრანსპორტო კომპანია ავრცელებს.

მათი ცნობით, ელექტროენერგიის მოწოდების აღდგენისთანავე მეტრო ჩვეულ რეჟიმში გააგრძელებს მუშაობას.

"ელექტროენერგიის ავარიულად გათიშვის გამო, თბილისის მეტროს პირველი ხაზი დროებით ვერ ემსახურება მგზავრებს.

ელექტროენერგიის მოწოდების აღდგენისთანავე მეტრო გააგრძელებს მუშაობას ჩვეულ რეჟიმში", — ნათქვამია გავრცელებულ განცხადებაში.

თბილისსა და საქართველოს რეგიონების ნაწილს ელექტროენერგია დღეს, 19 აპრილის დაახლოების 11:30 წუთისთვის შეწყდა. გაითიშა მეტროს პირველი ხაზი.

NEWS.ON.ge თელასმა საქართველოს ელექტროსისტემასთან გადაგვამისამართა, მაგრამ უწყებაში ჩვენს ზარებს არ პასუხობენ.

bm.ge-ს ცნობით, ავარიული გათიშვის მიზეზი კავკასიონის ხაზის გათიშვა გახდა.

უწყების ცნობით, ამ დროისთვის გათიშვის ზუსტი მიზეზი ცნობილი არ არის, თუმცა მათი მხრიდან მიწოდება უკვე აღდგენილია.