"თუ ამერიკელები გვეტყვიან, ჩვენც არ შემოვდივართ, მაგრამ ჩინელებიც არ შემოუშვათო, სამაგიეროდ რას ვიღებთ? ჩემი პასუხი ამაზე არის — არავითარ შემთხვევაში!", — სოზარ სუბარის კომენტარს ანაკლიის პორტზე პარტია ხალხის ძალა ავრცელებს.

პარტია სუბარის კიდევ ერთ კომენტარს ავრცელებს. ამჯერად "დიფ სთეითზე". ის ამბობს, რომ "ნამდვილად არ აქვს ისეთი ცუდი წარმოდგენა ქართველ ხალხზე, რომ მისთვის ვიზალიბერალიზაცია უფრო მნიშვნელოვანი იყოს, ვიდრე იმ ანტიეროვნულ და ანტიქრისტიანულ პოლიტიკაზე უარის თქმა, რომლის თავსმოხვევასაც "დიფ სთეითი" ცდილობს".

"ნამდვილად არ მაქვს ისეთი ცუდი წარმოდგენა ქართველ ხალხზე, რომ მისთვის ვიზალიბერალიზაცია უფრო მნიშვნელოვანი იყოს, ვიდრე იმ ანტიეროვნულ და ანტიქრისტიანულ პოლიტიკაზე უარის თქმა, რომლის თავსმოხვევასაც "დიფ სთეითი" ცდილობს," – აცხადებს სუბარი.