ამერიკელი სენატის საგარეო საქმეთა კომიტეტის წევრი, სენატორი ჯინ შაჰინი X-ზე ოცნების ხელისუფლების მიერ "გრანტების შესახებ" კანონში ცვლილებებს ეხმაურება.

მისი თქმით, ეს კიდევ ერთი უკან დახევაა იმ დემოკრატიული მომავლისგან, რომელიც ქართველ ხალხს სურს.

"ქართული ოცნების მიერ არასამთავრობო ორგანიზაციების საქმიანობის ჩასახშობად კიდევ ერთი კანონპროექტის დაჩქარებული წესით მიღება კიდევ ერთი უკან დახევაა იმ დემოკრატიული მომავლისგან, რომელიც ქართველ ხალხს სურს. პოლიტიკურ ლიდერებს არ უნდა ეშინოდეთ ქართველი ხალხის. ქართული სამოქალაქო საზოგადოება მკვეთრად დამოუკიდებელი აქტორები არიან", — წერს სენატორი.