"ნახევარი მსოფლიო ოცნებობს ბელორუსულ "დიქტატურაზე" — ადამიანთა ნამდვილი საქმისა და ინტერესების დიქტატურაზე", ­— ამის შესახებ ბელარუსის პრეზიდენტმა ალექსანდრე ლუკაშენკომ 25 მარტს დამოუკიდებლობის სასახლეში ინაუგურაციის ცერემონიაზე განაცხადა, ინფორმაციას ბელარუსის სახელმწიფო საინფორმაციო სააგენტო BELTA ავრცელებს.

მისივე თქმით, "მათ უფრო მეტი დემოკრატია აქვთ, ვიდრე მათ, ვინც საკუთარ თავს მის სტანდარტს უწოდებს".

ალექსანდრე ლუკაშენკომ ხაზგასმით აღნიშნა, რომ ბელორუსიაში ყველას აქვს კონსტიტუციური უფლება და შესაძლებლობა გამოთქვას თავისი აზრი.

"მაგრამ არ არის საჭირო მოწოდება, რომ ყველაფერი განადგურდეს, რაც შეიქმნა ბელორუსების მრავალი თაობის მიერ. ჩვენ არ დავუშვებთ, რომ სიტყვის თავისუფლება გამოიყენონ, როგორც ხელკეტი ჩვენი ქვეყნის დასანგრევად. ჩვენ ვხედავთ, რა შეიძლება გამოიწვიოს ამან. ჩვენ ბევრი რამ გამოვიარეთ ჩვენი სუვერენული გზის გავლისას. და ჩვენი ცხოვრების თავდაყირა გადაქცევის მცდელობები, ჩვენი კურსის გაუთავებელი კრიტიკა, თავდასხმები ჩვენს ხალხზე, ვინც მტკიცე პოზიციას იკავებს მთავრობაში — ეს არის სახელმწიფოს დამოუკიდებლობის საფასური. ჩვენი ხალხის კეთილდღეობის ფასი!", — განაცხადა პრეზიდენტმა.პრეზიდენტმა.

ბელარუსში ალექსანდრ ლუკაშენკოს ინაუგურაცია ცერემონიების დარბაზში დღეს, 25 მარტს გაიმართა. ცერემონიაზე 1100-ზე მეტი ადამიანი იყო მიწვეული. ბელარუსში საპრეზიდენტო არჩევნები 26 იანვარს ჩატარდა. ცესკო-ს მონაცემებით, არჩევნებში ალექსანდრე ლუკაშენკომ ხმების 86.82%-ით გაიმარჯვა. დამოუკიდებელი ბელარუსის ისტორიაში პირველი და ერთადერთი პრეზიდენტია და ამ პოსტს 1994 წლიდან იკავებს. მან ბელორუსის პრეზიდენტის თანამდებობა მე-7 ვადით დაიკავა.