ქალაქ რუსთავის წყალმომარაგების სისტემური გაუმჯობესებისთვის, კომპანია ჯორჯიან უოთერ ენდ ფაუერმა, ერთ-ერთი უმნიშვნელოვანესი და მასშტაბური პროექტის სარეაბილიტაციო სამუშაოები დაასრულა.

ხრამის სათავე ნაგებობა რამდენიმე სტრატეგიული მნიშვნელობის ობიექტს — შახტურ ჭებს მძლავრ სატუმბო სადგურებსა და მაგისტრალურ მილსადენებს აერთიანებს, რომლებიც ქალაქ რუსთავისა და გარდაბნის მოსახლეობის სტაბილურ წყალმომარაგებას უზრუნველყოფს.

“ჯორჯიან უოთერ ენდ ფაუერს შემუშავებული აქვს საინვესტიციო გეგმა, რომლის ფარგლებშიც, მოძველებული ინფრასტრუქტურის პერიოდული განახლება ხდება. პროექტი, თავისი მასშტაბურობიდან გამომდინარე, რამდენიმე ეტაპად არის დაყოფილი — უკვე დასრულდა შახტური ჭების, მეორე აწევის სატუმბო სადგურისა და მაგისტრალური მილსადენების 2.5 კმ სიგრძის ამორტიზებული მონაკვეთის რეაბილიტაცია. ასევე მიმდინარეობს სათავე ნაგებობის ელექტრო სადენების სრული განახლების პროექტის რეალიზაცია. გარდა დასრულებული და მიმდინარე პროექტებისა, კომპანია 2025 წელს, მესამე აწევის სატუმბო სადგურში არსებულ ამორტიზებულ ტუმბო-აგრეგატებს სრულად განაახლებს, იმავდროულად, — მაგისტრალური მილსადენის 1.5 კმ მონაკვეთსაც. პროექტის ჯამური ღირებულება 11 მლნ. ლარს შეადგენს. რეაბილიტაციის შედეგად, ქალაქ რუსთავისა და გარდაბნის მოსახლეობის წყალმომარაგება მნიშვნელოვნად გაუმჯობესდება” - ამბობს გიგა ნადირაძე ჯორჯიან უოთერ ენდ ფაუერის ტექნიკური დირექტორი.

ჯორჯიან უოთერ ენდ ფაუერი მომავალშიც აქტიურად გააგრძელებს ქალაქ რუსთავის წყალმომარაგების სისტემური გაუმჯობესების პროექტს, მოსახლეობისთვის მომსახურების ხარისხის მნიშვნელოვნად გაუმჯობის მიზნით.