15 მარტს, 13:00 საათზე მოძრაობა სოციალური დემოკრატიისთვის ჭიათურაში საპროტესტო აქციას გამართავს.

"ჯორჯიან მანგანეზმა" 2024 წლის 1 ნოემბრიდან 2025 წლის 1 მარტამდე მაღაროებში სამუშაო რეჟიმი შეაჩერა. კომპანიამ მაღაროელები 60%-იან ანაზღაურებაზე გადაიყვანა, ბოლო რამდენიმე თვის განმავლობაში კი ამ კომპენსაციასაც არ იხდის. როდესაც მშრომელები მუშაობის განახლებას ელოდნენ, "ჯორჯიან მანგანეზი", ცინიკურად, SMS-ის მეშვეობით დაემშვიდობა მაღაროელებს და აცნობა, რომ მაღაროების გახსნას არ აპირებდა. ამით 3000-ზე მეტი ჭიათურელი უმუშევარი დატოვა.

ბოლო ათწლეულებია ჭიათურა ეკოლოგიური, სოციალური, დემოგრაფიული კატასტროფის წინაშეა. 2017 წლიდან კომპანიაში სახელმწიფოს სპეციალური მმართველია დანიშნული, თუმცა მაღაროელების უფლებები წლიდან წლამდე არ უმჯობესდება. მათ უმძიმეს შრომით პირობებში უწევთ შრომა, თუმცა ეს ჭიათურისა და ჭიათურელების კეთილდღეობაზე არ აისახება. ქალაქი ნადგურდება, ზიანდება საცხოვრებელი გარემო, ხოლო სიმდიდრე, რომელსაც ქალაქი ქმნის, საზოგადოებას არ ხმარდება.

ჭიათურასა და ჭიათურელებს ჩვენი მხარდაჭერა სჭირდებათ!

5 მარტს, 13:00 საათზე, მხარში ამოვუდგეთ ჭიათურელებს!", — წერენ აქციის ორგანიზატორები.