NBC NEWS-ის ინფორმაციით, აშშ-ის პრეზიდენტ დონალდ ტრამპის სპეციალური წარმომადგენელი უკრაინისა და რუსეთის საკითხებში, კიტ კელოგი ომის დასრულების შესახებ მოლაპარაკებებიდან გამორიცხეს მას შემდეგ, რაც კრემლმა განაცხადა, რომ მისი მონაწილეობა მოლაპარაკებებში არ სურდა. გამოცემა ინფორმაციას ამერიკელ და რუს ჩინოვნიკებზე დაყრდნობით ავრცელებს.

NBC-ის ინფორმაციით, გადამდგარი გენერალ-ლეიტენანტი კიტ კელოგი არ იმყოფებოდა საუდის არაბეთში გამართულ ორ ბოლო სამიტზე — ერთი რუს ოფიციალურ პირებთან და მეორე უკრაინელებთან, მიუხედავად იმისა, რომ მოლაპარაკებები მის უფლებამოსილებას ექვემდებარება.

"ერთად" — განაცხადა ნოემბერში დონალდ ტრამპმა კიტ კელოგის ნომინაციის გამოცხადებისას და დასძინა, რომ "ჩვენ დავიცავთ მშვიდობას ძლიერების მეშვეობით".

გამოცემა კელოგის დაუსწრებლობას საუდის არაბეთის შეხვედრაზე რუსეთის პრეზიდენტი ვლადიმერ პუტინის განაცხადით ხსნის. კრემლთან დაკავშირებულმა რუსმა მაღალჩინოსანმა გამოცემას განუცხადა, რომ პუტინის აზრით კელოგი "ძალიან პრო-უკრაინული" განწყობის იყო.

"კელოგი ყოფილი ამერიკელი გენერალია, უკრაინასთან ძალიან დაახლოებული. არ არის ჩვენი ტიპის ადამიანი, არც იმ კალიბრის, რომელსაც ჩვენ ვეძებთ," — განაცხადა წყარომ NBC News-თან საუბარში.

ამერიკის ეროვნული უშიშროების საბჭოს სპიკერმა ჯეიმს ჰიუიტმა განაცხადა, რომ ტრამპმა უკრაინის ომის მშვიდობიან დასრულებაში, ადმინისტრაციის მრავალი მაღალი თანამდებობის პირის "ნიჭი" გამოიყენა. სპიკერმა ასევე დასძინა, რომ კიტ კელოგი "გუნდის ღირებულ ნაწილად რჩება, განსაკუთრებით, როდესაც ეს ეხება ჩვენს ევროპელ მოკავშირეებთან მოლაპარაკებებს".