საქართველოს განათლებისა და მეცნიერების სამინისტრომ 260 ათასი ვაშლის შესაძენად ტენდერი გამოცხადა. მომსახურების მიწოდების სავარაუდო ღირებულებად 78 ათას ლარია განკუთვნილი. ნაყიდი ვაშლები 10 სკოლაში დარიგდება. ტენდერში მონაწილეობისთვის წინადადებების წარდგენა 19 სექტემბერს დაიწყება და 21 სექტემბერს დასრულდება.

ნაყიდი ვაშლი, კვირაში ერთი ცალი, გათვლილია 20 ათას მოსწავლეზე, სემესტრში 13 კვირის განმავლობაში. ერთი ვაშლის სავარაუდო წონა 150 გრამს არ უნდა ჩამორჩებოდეს.

მიმწოდებელს შეუძლია ერთი ან რამდენიმე ჯიშის ვაშლი შესთავაზოს სამინისტროს, თუმცა თითოეული მათგანის ერთეულის ფასი იდენტური არ უნდა იყოს. მიმწოდებელს უფლება ექნება ვაშლის ჯიშები შეცვალოს ყოველ კვირას, მაგრამ ერთი კვირის განმავლობაში თბილისის ათივე საჯარო სკოლაში უზრუნველყოს ერთი ჯიშის ვაშლს მიწოდება.

როგორი უნდა იყოს ვაშლი?

  • უმაღლესი ხარისხის, ფორმა და ფერი უნდა ჰქონდეს შესაბამისი ჯიშისათვის დამახასიათებელი, საღი, მწიფე, ჭკნობის ნიშნების, მავნებლებისა და მექანიკური დაზიანებების გარეშე;

  • უნდა ჰქონდეს სწორი ზედაპირი (პრიალა) ლპობისა და ობის ნიშნების გარეშე.

სკოლებში ვაშლების დარიგების იდეა საქართველოს განათლების მინისტრს, ალექსანდრე ჯეჯელავას ეკუთვნის. მისი თქმით, "ვაშლების დარიგების" კამპპანიაში 300-დან 400 ათას ლარამდე დაჯდება