ამერიკის სატელევიზიო აკადემიამ, გუშინ Creative Arts Emmy-ის დაჯილდოების ცერემონია ჩაატარა, რომელიც სატელევიზიო გადაცემებში სხვადასხვა ნომინაციებში (მაგალითად დოკუმენტური ფილმები, კასტინგები, ანიმაციური სერიალები და ა.შ.) გასცემს ჯილდოებს.

ერთ-ერთი ასეთი ნომინაცია დოკუმენტურ ფილმებში, მთხრობელის ნომინაციაა, რომელზეც წელს ლივ შრაიბერი, იუენ მაკგრეგორი, სემ ნეილი, ლოურენს ფისბურნი და მერილ სტრიპი იყვნენ წარდგენილნი, საბოლოოდ გამარჯვება კი სწორედ სტრიპს ერგო, რომელსაც ახლა სახლში ოსკარის სამ ქანდაკებასთან ერთად, ამავე რაოდენობის ემის ქანდაკებაც ექნება.

სტრიპმა ეს ჯილდო ნეტფლიქსის დოკუმენტური სერიალის Five Came Back გახმოვანებისთვის მიიღო.

რაც შეეხება Emmy-ს 69-ე დაჯილდოება, სადაც საუკეთესო სერიალებსა და მსახიობებს გამოავლენენ, ის 17 სექტემბერს გაიმართება და მას სტივენ კოლბერტი გაუძღვება.