პოლიციის პოლკოვნიკი, ედუარდ შევარდნაძის ხელისუფლების სპეცდანიშნულების რაზმის ხელმძღვანელი თემურ მღებრიშვილი გარდაიცვალა.

ამის შესახებ სოციალურ ქსელში პირველი პრეზიდენტის, ზვიად გამსახურდიას ვაჟი გიორგი გამსახურდიაც წერს.

"წეღან გავიგე, თემო გარდაცვლილა მღებრიშვილი, ჩემი უფროსი და ახლო მეგობარი. გარდა იმისა, რომ იყო პროფესიონალი პოლიციელი, მიუხედავად მისი, საყოველთაო და უსამართლო დემონიზებისა, იყო ასევე ძალიან დადებითი, პოზიტიური და უკეთილშობილესი ადამიანი.

ძალიან დიდი წლები გვაკავშირებს ერთმანეთთან და მაგ წლებში ბევრი ტკბილი მოგონებები. გამორჩეული კაცი იყო ჩიგოლა და ბევრ ადამიანს დაწყვიტა გული დარწმუნებული ვარ. ნათელი მის ხსოვნას...

ჩემი მხედრული სალამი, ბატონო პოლკოვნიკო!", — წერს გიორგი გამსახურდია (სტილი დაცულია).

თემურ მღებრიშვილი 90-იან წლებში სპე­ცი­ა­ლუ­რი და­ნიშ­ნუ­ლე­ბის რაზმს ხელ­მძღვა­ნე­ლობ­და, რო­მე­ლიც საპ­რო­ტეს­ტო აქ­ცი­ებს უპი­რის­პირ­დე­ბო­და, ხში­რად და­პი­რის­პი­რე­ბა პირ­ვე­ლი პრე­ზი­დენ­ტის მომ­ხრე­ებ­თან ხდე­ბო­და.