ახალი ამბები On.ge

მამუკა მდინარაძე

10 მარ, 2025

"ბოლო წლების განმავლობაში თავს მოხვეული ფსევდოლიბერალური იდეოლოგიის და გარედან თავსმოხვეული მიდგომების ნაწილი იყო ე.წ. ლიბერალური ნარკოპოლიტიკა, რომელიც აზიანებს განსაკუთრებით ახალგაზრდა ადამიანებს, გენოფონდს და არაფერია უფრო ანტიქართული, ვიდრე ლიბერალური ნარკოპოლიტიკით გამოწვეული შედეგები.

შევიმუშავეთ ანტინარკოტიკული რეფორმა, რომელსაც ვიწყებთ, ერთ-ერთი მთავარი ინიციატორი გახლავთ პრეზიდენტი მიხეილ ყაველაშვილი, ასევე ჩართული იყო უმრავლესობა და საპარლამენტო ოპოზიციაც.

ნარკორეალიზატორებისთვის არა თუ განსაკუთრებით დიდი ან დიდი ოდენობის ნარკოტიკის, არამედ მცირე ოდენობით ნარკოტიკის გაყიდვისთვისაც კი სასჯელი 12-დან 20 წლამდე ან უვადო პატიმრობა იქნება.

"ორგანიზებული დანაშაულისა და რეკეტის შესახებ" საქართველოს კანონის პროექტით განისაზღვრება ნარკოვაჭრობისა და ნარკომოვაჭრის ცნება და მოწესრიგდება მათთან დაკავშირებული ცალკეული საკითხები. კერძოდ, განისაზღვრება, ვინ შეიძლება იყოს ნარკომოვაჭრის ოჯახის წევრი, ახლო ნათესავი და დაკავშირებული პირი. ამასთანავე, დადგინდება, თუ რა ჩაითვლება ნარკომოვაჭრის ქონებად.

დაიხვეწება საკანონმდებლო ჩარჩო, რითაც შესაძლებელი გახდება ნარკორეალიზატორისთვის ან ნარკოტიკების გავრცელებაში ხელშემწყობი პირისთვის მის საკუთრებაში არსებული უძრავ-მოძრავი ქონების ჩამორთმევა და სახელმწიფოსთვის გადაცემა.

2025 წლის პირველი ივნისიდან, იმ შემთხვევაში, თუ პირს დაუდასტურდება ნარკოტიკის მოხმარების ფაქტი ან თუ პირი თავს აარიდებს ნარკოლოგიურ შემოწმებას, მას სამი წლით ჩამოერთმევა ნებისმიერი სახის სატრანსპორტო საშუალების მართვის უფლება.

ხუთი წლით ჩამოერთმევა საჯარო სამსახურში, პედაგოგიურ და საგანმანათლებლო დაწესებულებებში საქმიანობის უფლება, ასევე იარაღთან დაკავშირებული უფლებები. ცვლილებები, გამკაცრების მიმართულებით, შეეხება სისხლის სამართლის, ადმინისტრაციულ სამართალდარღვევათა კოდექსის, ნარკოტიკული დანაშაულის წინააღმდეგ ბრძოლის შესახებ კანონის სხვა შესაბამის ნორმებსაც.

აქვე, მივმართავთ კერძო სექტორის წარმომადგენლებს, რომ გაიზიარონ ეს მიდგომები და სახელმწიფოს ამოუდგნენ გვერდში ანტინარკოტიკული კამპანიის წარმოებაში და ჯანსაღი ცხოვრების წესის პოპულარიზაციაში. მომავალი თაობების გადარჩენისთვის ჩვენ ვაპირებთ ეს საკითხი - ანტინარკოტიკული რეფორმა, ანტინარკოტიკული კამპანია და ჯანსაღი ცხოვრების წესის პოპულარიზაცია ვაქციოთ განსაკუთრებულ ეროვნულ პრიორიტეტად"

კომენტარები

კვირის ტოპ-5

  1. "ქართული ოცნების" დეპუტატმა, მარიამ ლაშხმა აქტივისტებს შეურაცხყოფისთვის უჩივლა9229 ნახვა
  2. უნგრეთის პარლამენტმა დაამტკიცა კანონპროექტი, რომელიც უნგრეთის ICC-დან გასვლას ითვალისწინებს7402 ნახვა
  3. ვაკეში საავტომობილო მოძრაობა 4 თვით შეიზღუდება6543 ნახვა
  4. თამთა მელაშვილი: მზიას მხრიდან სილის გაწვნა იყო შეურაცხყოფაზე რეაქცია4511 ნახვა
  5. კობახიძის თქმით, როცა ის ალბანეთში სამიტზე სიტყვით გამოვიდა, ბრიტანეთის პრემიერმინისტრს თავი არ აუწევია4337 ნახვა

გირჩევთ

ახლა კითხულობენ

გადახედვა

კუნთების გასაზრდელად ხორცის ჭამა არაა საჭირო — კვლევა

მეცნიერებმა ახალი კვლევის ფარგლებში შეისწავლეს, როგორ რეაგირებს კუნთის ცილის სინთეზი სპეციალურ 9-დღიან დიეტაზე, რომელიც…

!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~