9 მარტს, თბილისში, ბელიაშვილის ქუჩაზე, გასროლილი ტყვია საცხოვრებელი კორპუსის რამდენიმე ბინაში შევარდა.

გავრცელებული ინფორმაციით, გასროლა, სავარაუდოდ, ბელიაშვილის გამზირზე არსებული ერთ-ერთი რესტორნიდან მოხდა. რესტორნის თანამშრომლები ადგილზე პოლიციის მისვლის ფაქტს უარყოფენ.

"გავიგეთ ხუთჯერ გასროლის ხმა. ჩვენ ვცხოვრობთ ბელიაშვილზე, მე-16 სართულზე. სამზარეულოში მოხვდა ტყვია და ჩვენ მისაღებში ვიყავით. თავიდან ფეიერვერკის ხმა გვეგონა, მაგრამ მეხუთე გასროლის ხმა არ იყო, საშინელი მსხვრევის ხმა იყო", — ამბობს ერთ-ერთი მოქალაქე "ფორმულასთან".

შსს-ც სნობით, მომხდართან დაკავშირებით გამოძიება დაიწყო, სსკ-ის 236 მუხლის მე-3 ნაწილით, რაც ცეცხლსასროლი იარაღის ან საბრძოლო მასალის უკანონოდ შეძენა-შენახვას გულისხმობს.