გალტ & თაგარტმა Pepsico კავკასიის წლიურ კონფერენციაზე, კავკასიის ეკონომიკისა და FMCG (სწრაფად რეალიზებადი სამომხმარებლო საქონელი) სექტორის მიმოხილვა წარადგინა.

ღონისძიებაზე გალტ & თაგარტის წარმომადგენლებმა კონფერენციის მონაწილეებს საქართველოსა და მისი რეგიონების ეკონომიკაში მიმდინარე ტენდენციები, პროგნოზები და FMCG სექტორის კვლევის შედეგები გაუზიარეს.

გალტ & თაგარტის კვლევის მიხედვით, 2024 წელს, FMCG ბაზარი წლიურად 6.8%-ით გაიზარდა და 22.7 მლრდ. ლარს მიაღწია. როგორც მოსალოდნელი იყო, ბრენდული ქსელების შემოსავლები სხვა ფორმატებზე მაღალი ტემპით გაიზარდა წლიურად 14.9%-ით, რაც, ძირითადად, გეოგრაფიული ექსპანსიით იყო გამოწვეული. 2024 წელს, ბრენდული მაღაზიების ქსელს 500-მდე ახალი მაღაზია დაემატა, აქედან დაახლოებით 350 რეგიონში, დანარჩენი თბილისში. შედეგად, მაღაზიების რაოდენობა თბილისსა და რეგიონებში გათანაბრდა.

შეხვედრაზე ყურადღება გამახვილდა FMCG სექტორის სამომავლო განვითარების ხედვაზე, რაც კვლევის შედეგებიდან გამოიკვეთა. გალტ & თაგარტის სექტორის უფროსმა, მარიამ ჩახვაშვილმა ასევე ისაუბრა FMCG ბაზრის ზრდის პერსპექტივებსა და წარმმართველ ფაქტორებზე.

სრული კლვევა ქართულ და ინგლისურ ენებზე მოცემულია გალტ & თაგარტის ვებ-გვერდზე.