პოლონეთის პრემიერმინისტრი დონალდ ტუსკი ბრიუსელში, ევროპული საბჭოს სამიტის დაწყებამდე, ჟურნალისტებს ესაუბრა. მისი განცხადებით, ევროპა მზად არის, კონტინენტურ უსაფრთხოებაზე პასუხისმგებლობა აიღოს და რუსეთთან შეარაღების ბრძოლაში ჩაერთოს.

"ევროპამ ნამდვილად ბევრი დრო დავკარგეთ, მაგრამ დღეს ყველაფერი შეიცვალა. ვსაუბრობ ევროკომისიის წინადადებასა და ყველა ჩემი თანამოსაუბრის ერთგულებაზე. მათ ეს პარიზსა და ლონდონში შეხვედრების დროს დაადასტურეს.

ყველა მზად არის ეს გამოწვევა მიიღოს. ეჭვი არ არის, რომ ომი უკრაინაში, ევროპისადმი აშშ-ის ადმინისტრაციის ახლებური მიდგომა და, ყველაზე მეტად, რუსეთის მიერ დაწყებული შეიარაღების რბოლა, სრულიად ახალ გამოწვევებს წარმოადგენს ჩვენთვის. ევროპა უნდა ჩაერთოს შეიარაღების რბოლაში და მოიგოს ის.

დარწმუნებული ვარ, რომ რუსეთი წააგებს ამ რბოლას, როგორც საბჭოთა კავშირმა წააგო 40 წლის წინ — ეს უფრო დიდი კონფლიქტის თავიდან არიდების ერთადერთი გზაა...

დღეს არ გვაქვს ზედმეტად ოპტიმისტურად ყოფნის მიზეზები, მაგრამ დარწმუნებული ვარ, რომ ეს გარდამტეხი მომენტია, როდესაც ევროპამ გაიაზრა, თუ რა პასუხისმგებლობა აკისრია მას", — განაცხადა დონალდ ტუსკმა.