სელფი მობაილმა, ქართულმა მობილურმა ოპერატორმა რომელიც 1.3 მილიონ აბონენტს ემსახურება, ადგილობრივი ტელეკომ ბაზრისთვის უპრეცედენტო, მომხმარებლის ლოიალობის პროგრამა დანერგა. პროგრამაში უკვე გაერთიანებულია მომხმარებლისთვის არაერთი საყვარელი ბრენდი, ბევრ სხვადასხვა კატეგორიაში: კვება, სპორტი, გართობა, თავის მოვლა, მაღაზიები, მოგზაურობა და სხვა. შეთავაზებები მოიცავს როგორც ადგილობრივ, ასევე გლობალურ ბრენდებს.

ლოიალობის პროგრამაში ჩასართავად დამატებით არაფერია საჭირო და ის ავტომატურადაა ხელმისაწვდომი MyCellfie აპლიკაციის ყველა მომხმარებლისთვის. პარტნიორებისა და შეთავაზებების სია მუდმივად ნახლდება და იზრდება.

ხსენებული პროგრამა Vodafone-ის მსოფლიოში ცნობილი ლოიალობის პროდუქტია, რომლის ადაპტაციაც სელფი მობაილმა ადგილობრივი ბაზრისთვის მოახდინა. ლოიალობის პროგრამა სელფი მობაილსა და Vodafone Group-ს შორის დეკემბერში გაფორმებული პარტნიორობის პრაქტიკული შედეგია.