გერმანულენოვანი გამოცემა Bild-ის ცნობით, გერმანიაში, ქალაქ მანჰაიმში, ავტომობილის ხალხში შევარდნის შედეგად, სულ მცირე, 2 ადამიანი დაიღუპა, 25 კი დაშავდა.

გამოცემის ინფორმაციით, დაშავებულთაგან 15-ის მდგომარეობა მძიმეა.

გავრცელებული ინფორმაციით, დიდი სიჩქარით მოძრავი შავი ჯიპი გერმანიის ქალაქ მანჰაიმში კარნავალის სეზონის აღსანიშნავად შეკრებილ მოქალაქეებს შეეჯახა.

ავტომობილის მძღოლი პოლიციამ დააკავა. პოლიციას ჯერჯერობით შემთხვევისთვის ტერორისტული თავდასხმის კვალიფიკაცია არ მიუნიჭებია, თუმცა გასულ თვეებში ამ ტიპის თავდასხმების სიხშირემ იმატა — 2025 წლის თებერვალში მიუნხენში გამართულ დემონსტრაციაზე 24 წლის ავღანელი კაცის მიერ ავტომობილით შევარდნას დედისა და მისი 2 წლის შვილის წიცოცხლე ემსხვერპლა — თავდასხმა ისლამური ექსტრემიზმით იყო მოტივირებული.