რუსეთის საგარეო საქმეთა მინისტრმა, სერგეი ლავროვმა განაცხადმა, რომ აშშ-ის პრეზიდენტის, დონალდ ტრამპის ადმინისტრაციას მშვიდობა სურს — ევროპა კი ომის სახით "ბანკეტის გაგრძელებას" ითხოვს.

"ახლა, ჯო ბაიდენის "ვადის" შემდეგ, მოვიდა ხალხი, ვისაც სურს იხელმძღვანელოს საღი აზრით. ისინი პირდაპირ ამბობენ, რომ უნდათ ყველა ომის დასრულება, უნდათ მშვიდობა. ვინ ითხოვს "ბანკეტის გაგრძელებას" ომის სახით? ევროპა," — აღნიშნა ლავროვმა.

ლავროვის მტკიცებით, ბოლო ხუთი საუკუნის განმავლობაში, მსოფლიოს ყველა ტრაგედია წარმოიშვა ევროპაში ან მოხდა ევროპული პოლიტიკის წყალობით და დასძინა, რომ ამერიკელებს არანაირი პროვოკაციული როლი არ უთამაშიათ. ასევე ლავროვი ევროპელი ლიდერების გეგმას — უკრაინაში სამშვიდობოების შემოყვანის თაობაზე, თავხედობად აფასებს.

"ევროპელი ლიდერების გეგმები უკრაინაში სამშვიდობოების შემოყვანის შესახებ არის თავხედობა, რაც რუსეთის წინააღმდეგ ომის გასაგრძელებლად კიევის რეჟიმის "მიქსევაა". პრეზიდენტ დონალდ ტრამპს ყველაფერი ესმის. შეგიძლიათ განიხილოთ ეს საკითხი, მაგრამ მხარეთა თანხმობა იქნება საჭირო. ის [ტრამპი] სწორად იქცევა," — აღნიშნა ლავროვმა.

ასევე იხილეთ: